Dinamalar

அம்மணி பட விவகாரம்! லட்சுமிராமகிருஷ்ணன் ஆவேசம்

ஆரோகணம், நெருங்கிவா முத்தமிடாதே படங்களைத் தொடர்ந்து லட்சுமி ராம கிருஷ்ணன் இயக்கியுள்ள படம் அம்மணி. 82 வயது அனாதை மூதாட்டிக்கும், 40 வயது பெண்ணுக்குமிடையே உள்ள பாசத்தை மையமாகக்கொண்டு இப்படம் உருவாகியிருக்கிறது. இந்த படம் லட்சுமி ராமகிருஷ்ணனுக்கு முக்கியமான படமாக இருக்கும் என்றும் எதிர்பார்க்கப்பட்டது. ஆனால் படப்பிடிப்பு முடிந்து பல மாதங்களாகியும் அப்படம் இன்னும் வெளியாகவில்லை.

இந்நிலையில், அப்படத்தின் தயாரிப்புதரப்பில் இருந்து, அம்மணி படம் எதிர்பார்த்த அளவிற்கு வரவில்லை. அதனால் படத்தை வாங்க யாரும் முன்வரவில்லை. அதனால்தான் படம் வெளியாவதில் காலதாமதம் ஏற்பட்டு வருகிறது என்று தெரிவித்தனர்.

ஆனால் இதுபற்றி அப்படத்தின் இயக்குனரான லட்சுமி ராமகிருஷ்ணனைக் கேட்டால், அம்மணி படம் சரியில்லை. அதனால் வியாபாரம் ஆகவில்லை என்று அவர்கள் சொல்வது தவறு. காரணம், படப்பிடிப்பு நடந்து கொண்டிருந்த போதே அப்படத்தின் சேனல் உரிமையை 75 லட்சத்துக்கு நான் பேசினேன். ஆனால் தயாரிப்பாளர் அதற்கு ஒத்துக்கொள்ளவில்லை. அதையடுத்து அபிராமி குரூப்பில் இருந்து 75 லட்சத்துக்கு படத்தை வாங்கி வெளியிட முன்வந்தனர். அப்போதும் அதற்கு தயாரிப்பாளர் சம்மதிக்கவில்லை.

அதையடுத்து, புனே, பெங்களூர் உள்ளிட்ட நான்கு சர்வதேச திரைப்பட விழாக்களில் அம்மணி படத்தை வெளியிட அழைப்பு வந்தது. ஆனால் அதற்கும் அவர் உடன்படவில்லை. இதற்கெல்லாமே என்னிடம் ப்ரூப் உள்ளது. மேலும்,

எனக்குகூட 1 லட்சம்தான் அட்வான்ஸ் கொடுத்தார். மீதி சம்பளத்தை இன்னும் தரவில்லை. ஆக, அம்மணி படத்தை வாங்க முன்வந்தபோது தயாரிப்பாளர் விற்க முன்வரவில்லை. அதுதான் காரணம்.

இப்போது படம் சரியில்லை. அதனால் வாங்க மறுக்கிறார்கள் என்று சொல்வது நியாயமில்லை. நான் சொல்வதைக் கேட்டிருந்தால் அம்மணி படம் எப்போதோ ரிலீசாகியிருக்கும். அதோடு அம்மணி பட தயாரிப்பாளர் ஒரு பைனான்சியர். அவருக்கு பண விசயத்தில் ஏதோ சிக்கல் இருக்கிறது. அதனால்தான் இப்படி சொல்லிக்கொண்டிருக்கிறார் என்கிறார் லட்சுமி ராமகிருஷ்ணன்.

• செய்திகள்
• வந்த படங்கள்

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  பாண்டிராஜ் இயக்கத்தில் விஜய் சேதுபதி?
• 
  விக்ரம் படத்தில் இணைந்த மற்றொரு மலையாள நடிகர்
• 
  கள்ளழரை அருகில் கண்ட பேரானந்தத்தில் சூரி
• 
  ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா
• 
  10 மில்லியன் பார்வையாளர்களை கடந்த ‛இனிமேல்' ஆல்பம்