ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
சினிமாவில் வெற்றியடைய திறமை எந்தளவுக்கு முக்கியமோ அதே அளவுக்கு அதிர்ஷ்டமும் வேண்டும் என்று சொல்வார்கள். இது யாருக்கு சரியாக இருக்கிறதோ இல்லையோ... சிவகார்த்திகேயனுக்கு மிகச்சரியாய் பொருந்தியுள்ளது. பாலா இயக்கிய படம், விஷால் நடித்த படம், உதயநிதியின் படம் என சிவகார்த்திகேயனைவிட உயரத்தில் உள்ளவர்களின் படம் பொங்கல் போட்டியில் இருந்தது.
இந்நிலையில் ரஜினி முருகன் படத்தையும் பொங்கலுக்கு வெளியிட்டனர். மற்ற மூன்று படங்களுக்கு இடையில் ரஜினி முருகன் படம் சிக்கி சின்னாபின்னமாகப்போகிறது என்று திரையுலகினர் ஆரூடம் சொன்னதை பொய்யாக்கி, சிவகார்த்திகேயனின் முந்தைய படங்களின் வசூலை ரஜினி முருகன் திரைப்படம் முறியடித்து சாதனை படைத்திருக்கிறது.
பொன். ராம் இயக்கத்தில் சிவகார்த்திகேயன் நடித்த, வருத்தப்படாத வாலிபர் சங்கம் வசூலை முதல் 4 நாட்களில் ரஜினி முருகன் தாண்டிவிட்டதாக சிவகார்த்திகேயன் தரப்பில் சொல்கின்றனர். ஜனவரி 14ம் தேதி வெளியான இப்படத்துக்கு கடந்த வாரம் வரை திரையரங்கில் நல்ல வசூல் கிடைத்திருக்கிறது.
இந்த வாரம் இறுதிச்சுற்று, அரண்மனை - 2 என இரண்டு புதிய படங்கள் வெளியானதால், ரஜினி முருகன் படத்துக்கு வசூல் சற்று குறைந்துள்ளது. அது மட்டுமல்ல தியேட்டர்களின் எண்ணிக்கையும் கணிசமாக குறைந்துவிட்டது.