Dinamalar

இந்த ஆண்டு விஜய் சேதுபதி நடிப்பில் 8 படங்கள்

குறிப்பிட்ட ஒரு ஹீரோ நடித்த படம் நீண்டகாலமாக வெளியாகாமல் இருந்தால் அவரை மக்கள் மறந்துவிடுவார்கள். அதனால் நீண்டகாலமாக படம் வெளியாகாமல் இருப்பது ஹீரோக்களுக்கு ஆபத்தான விஷயம்தான். நீண்ட இடைவெளி எப்படி ஒரு ஹீரோவுக்கு ஆபத்தான விஷயமோ... அதுபோலவே ஒரு ஹீரோ நடித்த படம் அடிக்கடி வெளியாவதும் ஆபத்தில் முடிந்துவிடும்.

ஒரு காலத்தில் கொடி கட்டிப்பறந்த ராமராஜனின் மார்கெட் சரிவுக்கு இதுவும் ஒரு காரணம். அந்த காலகட்டத்தில் ஒரு நேரத்தில் கையில் 40 படங்கள் வைத்திருந்தார் ராமராஜன். அன்றைக்கு ராமராஜனைப்போல் இன்றைய தேதியில் ஒரே நேரத்தில் அதிகப்படங்களில் நடித்து வருபவர் விஜய்சேதுபதி. அவரது கையில் உள்ள படங்களைப் பார்த்தால் 2016 ஆண்டில் வெளியான படங்களில் அதிக படங்களில் நடித்த கதாநாயகனாக கண்டிப்பாக விஜய் சேதுபதி இருப்பார் என்று இப்போதே உறுதியாக தெரிகிறது.

விஜய் சேதுபதி நடிப்பில் 2015 ஆம் ஆண்டு ஆரஞ்சு மிட்டாய் நானும் ரவுடிதான் ஆகிய இரண்டு படங்கள் மட்டுமே வெளியாகின. இவற்றில் ஆரஞ்சு மிட்டாய் படம் படு தோல்வியடைந்தது. நானும் ரவுடிதான் படத்துக்கு நல்ல வரவேற்பு கிடைத்தது. 2015 ஆம் ஆண்டில் பல்வேறு படங்களில் விஜய் சேதுபதி நடித்து வந்தாலும், பல்வேறு காரணங்களால் அப்படங்கள் எல்லாம் 2016ல் தான் வெளியாக இருக்கின்றன.

இந்நிலையில், 2016 ஆம் ஆண்டில், விஜய் சேதுபதி நடிப்பில் முதல் வெளியீடாக பிப்ரவரி 12ஆம் தேதி காதலும் கடந்து போகும் படம் வெளியாக இருக்கிறது. அதனைத் தொடர்ந்து சேதுபதி, இறைவி, மெல்லிசை, இடம் பொருள் ஏவல், றெக்க, ஆண்டவன் கட்டளை ஆகிய படங்கள் அடுத்தடுத்து வெளியாக உள்ளன. இவற்றோடு தனுஷ் தயாரிக்கும் புதிய படமும் இந்த ஆண்டே வரவிருப்பதாக தகவல். இவற்றில் ஒன்றிரண்டு படங்களுக்கு மேல் தோல்வியடைந்தால் விஜய்சேதுபதியின் நட்சத்திர நாற்காலியை ஆட்டம்காண வைத்துவிடும்.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா
• 
  போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி ...
• 
  மஞ்சும்மேல் பாய்ஸ் தயாரிப்பாளர்களின் மீது வழக்கு பதிவு
• 
  ரஜினியை சந்தித்து ஆசி பெற்ற சாய் தன்ஷிகா பட ஹீரோ
• 
  ஜோதிகா, சமந்தா, ஐஸ்வர்யா ராஜேஷ் நடிக்க தயங்கிய கேரக்டரில் ஆண்ட்ரியா : கோபி ...