Dinamalar

டி.ஆர். வீட்டில் அடுத்த அறிமுகம்

தமிழ்த் திரையுலகத்தில் 80களில் ரஜினிகாந்த், கமல்ஹாசன் ஆகியோரோடு போட்டி போட்டு தனது படங்களையும் வெள்ளி விழா கொண்டாட வைத்தவர் டி.ராஜேந்தர். கிளாமர் இல்லாத, ஆபாசம் இல்லாத குடும்பப் பாங்கான, காதல் படங்களை இயக்கி தனக்கென ஒரு தனி இடத்தை தமிழ்த் திரையுலகத்தில் தக்க வைத்துக் கொண்டவர். அவருடைய மனைவியான உஷாவும் திரைப்பட நடிகையாக இருந்தவர்தான். அவர்களின் வாரிசான சிலம்பரசன் குழந்தையாக இருக்கும் போதே திரைப்படங்களில் நடிக்க ஆரம்பித்தவர். தற்போது ஒரு கதாநாயகனாக வளர்ந்து நிற்கிறார்.

சிலம்பரசனின் தம்பியான குறளரசனும் குழந்தையாக இருந்த போதே சினிமாவில் நடித்தவர்தான். அவரும் கதாநாயகத்தான் அறிமுகமாவார் என்ற எதிர்பார்ப்பு இருந்தது. ஆனால், அவர் இசையமைப்பாளராக அறிமுகமாகியுள்ளார். சிம்பு, நயன்தாரா, ஆன்ட்ரியா மற்றும் பலர் நடித்துள்ள 'இது நம்ம ஆளு' திரைப்படத்தில் இசையமைப்பாளராக அறிமுகமாகிறார். இன்று இப்படத்தின் இசை வெளியாகிறது. நேற்று வெளியான டிரைலரும் நல்ல வரவேற்பைப் பெற்று வருகிறது.

குறளரசனின் இசையில் இப்படத்தில் இடம் பெற்றுள்ள பாடல்கள் இன்றைய காலகட்டத்திற்கு ஏற்ப அமைந்திருப்பதாகவே ரசிகர்கள் தெரிவிக்கிறார்கள். இசையமைப்பதோடு படத்தில் பாடலாசிரியராகவும் அறிமுகமாகிறார் குறளரசன். தம்பி இசையமைக்க அண்ணன் அந்தப் பாடல்களுக்கு நடனமாட தமிழ்த் திரையுலகத்தில் மற்றுமொரு அண்ணன், தம்பி கூட்டணி இப்படம் மூலம் உருவாகிறது.

• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்
• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்

• 
  ‛கில்லி' ரீ-ரிலீஸ் : த்ரிஷா நெகிழ்ச்சி
• 
  சந்தானத்தின் இங்க நான் தான் கிங்கு படம் மே 10 ல் ரிலீஸ்
• 
  பைக் டாக்சி ஓட்டுனராக நடிக்கும் நக்ஷா சரண்
• 
  எழுத்தாளராக நடிக்கும் வெற்றி
• 
  ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி