Dinamalar

குடியரசு தினத்தில் டுவிட்டரில் இணைந்தார் கமல்ஹாசன்

தமிழ்த் திரையுலகத்தில் எந்த ஒரு தொழில் நுட்ப மாற்றத்துக்கும் முன்னோடியாக இருப்பவர் கமல்ஹாசன். ஆவிட் எடிட்டிங், டிஜிட்டல் ஒளிப்பதிவு, ஆரோ ஒலியமைப்பு என பல விஷயங்களை தமிழ்த் திரையுலகத்தில் அறிமுகப்படுத்தியவர். இன்றைய இளம் தலைமுறையினர் பலரும் சமூக வலைத்தளங்களில் மூழ்கிக் கொண்டிருக்க கொஞ்சம் தாமதமாகவே டுவிட்டரில் நுழைந்திருக்கிறார் கமல்ஹாசன். அவர் ஏற்கெனவே ஃபேஸ்புக், யு டியூப் ஆகியவற்றில் முழு மூச்சுடன் ஈடுபட்டுக் கொண்டிருக்கிறார். இருந்தாலும் டிவிட்டரில் நேற்று தான் தனி கணக்கு ஒன்றை ஆரம்பித்திருக்கிறார் கமல்ஹாசன். அவரின் டுவிட்டர் முகவரி இதுதான்... https://twitter.com/ikamalhaasan

நேற்று இரவு ஆரம்பிக்கப்பட்ட அந்தக் கணக்கில் இதுவரை 30 ஆயிரத்திற்கும் மேற்பட்டவர்கள் கமல்ஹாசனை தொடர ஆரம்பித்துள்ளனர். முதல் பதிவாக நமது நாட்டின் தேசிய கீதம் வீடியோ ஒன்றைப் பதிவிட்டிருக்கிறார். இளையராஜா இசையில் கமல்ஹாசன் பாடியுள்ள அந்த வீடியோவை தன்னுடைய முதல் பதிவாகப் போட்டுள்ளார். அத்துடன் இந்திய விடுதலைப் போராட்டம் இன்றைக்கும் தனித்துவத்துடன் விளங்குகிறது என்றும் அதில் குறிப்பிட்டுள்ளார். இரண்டாவது பதிவாக டிவிட்டருக்கு வந்துள்ள தன்னை வாழ்த்திய மகளுக்கு நன்றி தெரிவித்துள்ளார்.

ரஜினிகாந்த் நீண்ட இடைவெளி விட்டு தான் டிவிட்டரில் பதிவுகளைப் போடுவார். ஆனால், கமல்ஹாசன் அப்படி இடைவெளி விடமாட்டார் என எதிர்பார்க்கலாம். அஜித், விஜய் ஆகியோர் டுவிட்டருக்கு வர மாட்டார்களா என அவர்களுடைய ரசிகர்கள் ஏங்கிக் கொண்டிருக்கிறார்கள்.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  பாண்டிராஜ் இயக்கத்தில் விஜய் சேதுபதி?
• 
  விக்ரம் படத்தில் இணைந்த மற்றொரு மலையாள நடிகர்
• 
  கள்ளழரை அருகில் கண்ட பேரானந்தத்தில் சூரி
• 
  ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா
• 
  10 மில்லியன் பார்வையாளர்களை கடந்த ‛இனிமேல்' ஆல்பம்