கார் விபத்தில் மயிரிழையில் உயிர் தப்பிய 'பேமிலி ஸ்டார்' பாடகி | ஆடுஜீவிதம் பட விழாவில் ஏ.ஆர்.ரஹ்மானின் தந்தைக்கு மோகன்லால் புகழாரம் | ஜப்பானில் 'ஆர்ஆர்ஆர்' படத்தின் ஸ்பெஷல் ஸ்கிரீனிங் | 'கல்கி 2898 எடி' தள்ளிப் போனால் 'புஷ்பா 2' தள்ளிப் போகுமா? | போட்டி இல்லாமல் வரும் ஜிவி பிரகாஷின் 'ரெபல்' | நடிகை அருந்ததி நாயர் விபத்தில் படுகாயம் | விமான நிலையத்தில் விஜய்யை பார்க்க படையெடுத்த கேரளத்து ரசிகர்கள் | தவறாமல் ஜனநாயக கடமை ஆற்றுங்கள் : ஜெயம் ரவி | ஜிம்மில் வெறித்தனமான ஒர்க்கவுட்டில் இறங்கிய ரகுல் ப்ரீத் சிங் | டப்பிங் யூனியன் தேர்தலில் மீண்டும் வெற்றி பெற்ற ராதாரவி |
சிவகார்த்திகேயன், கீர்த்தி சுரேஷ், ராஜ்கிரண், சூரி, சமுத்திரக்கனி மற்றும் பலர் நடித்த 'ரஜினி முருகன்' படம் கடந்த 14ம் தேதியன்று உலகம் முழுவதும் வெளியானது. இந்தப் படத்திற்கு தமிழ்நாட்டில் எப்படிப்பட்ட வரவேற்பு கிடைத்துள்ளதோ அதே அளவிற்கு வெளிநாடுகளிலும் கிடைத்துள்ளது. தமிழ்நாட்டில் கடந்த 12 தினங்களில் இந்தப் படத்தின் வசூல் சுமார் 50 கோடி ரூபாயைத் தொட்டுள்ளதாக கோலிவுட் வட்டாரங்கள் தெரிவிக்கின்றன. வசூல் இந்த நிலையிலேயே போனால் 'வேதாளம்' படத்தின் வசூலைத் தொட்டாலும் ஆச்சரியப்படுவதற்கில்லை என்கிறார்கள்.
அமெரிக்காவிலும் திரையிடப்பட்ட 'ரஜினி முருகன்' திரைப்படம் அங்கும் நல்ல வரவேற்பைப் பெற்றுள்ளது. இதுவரை 1 லட்சம் டாருக்கும் அதிகமாக அப்படம் வசூலித்துள்ளதாகச் செய்திகள் வெளியாகியுள்ளது. சிவகார்த்திகேயன் நடித்து இதுவரை வெளிவந்துள்ள படங்களில் 'ரஜினி முருகன்' படம் அதிக வசூலை அள்ளி புதிய சாதனையைப் படைத்துள்ளது. பொங்கலுக்கு வெளிவந்த மற்ற படங்களுக்கு இல்லாத ஒரு வரவேற்பு இந்தப் படத்திற்கு இருந்ததாகச் சொல்கிறார்கள்.
அமெரிக்கா மட்டுமல்லாது மலேசியா, சிங்கப்பூர், ஆஸ்திரேலியா உள்ளிட்ட வெளிநாடுகளில் சுமார் 300க்கும் மேற்பட்ட தியேட்டர்களில் இப்படம் வெளியானது என்பது குறிப்பிடத்தக்கது.