Dinamalar

ஆக்டர் ஆன டாக்டர்

டாக்டர்களுக்கு எப்போதுமே ஆக்டர் ஆக வேண்டும் என்கிற ஆசை இருக்கும்போலிருக்கிறது. டாக்டர் ராஜசேகரிலிருந்து உன்னை போல் ஒருவன் பரத் ரெட்டி வரை ஏராளமான டாக்டர்கள் நடிக்க வந்திருக்கிறார்கள். அந்த வரிசையில் வரும் இன்னொரு டாக்டர் பரத் விஜய். 'ஆறாம் அறிவு' என்ற படத்தில் நடித்திருப்பது மட்டுமல்ல தயாரிப்பு, இயக்கம் எல்லாமே அவர்தான். சஹானா ஹீரோயினாக நடித்துள்ளார். கார்த்திகேயன், கணேஷ் என்ற இரட்டையர்கள் ஒளிப்பதிவு செய்திருக்கிறார்கள், ஷியாம் எல்.ராஜ் இசை அமைத்துள்ளார். டாக்டர், ஆக்டர் ஆன கதையை சொல்கிறார் பரத் விஜய்.

"எங்க குடும்பமே டாக்டர் குடும்பம்தான். அதனால் பெற்றவர்கள் என்னை டாக்டருக்கு படிக்கச் சொன்னார்கள். அவர்கள் ஆசைக்கு டாக்டருக்கு படித்தேன். என் ஆசைக்கு ஆக்டர் ஆகிவிட்டேன். அதுவும் திடீரென்று ஆகவில்லை. முறைப்படி நடிப்பு, இயக்கம் கற்றேன். அதன் பிறகு மாடலாக இருந்தேன். கார்பரேட் விளம்பர படங்களில் நடித்தேன். குறும்படங்கள் இயக்கினேன். அதன் பிறகுதான் சினிமாவுக்கு வந்தேன். நான் புதுமுகம் என்னை நம்பி யாரும் பணம் போட்டு படம் எடுக்க மாட்டார்கள் என்று தெரியும். அதனால் நானே தயாரிப்பாளராகிவிட்டேன்.

மனிதனோட அனைத்து பிரச்னைகளுக்கும் காரணம் அவனது ஆறாவது அறிவுதான். பேய் பிசாசும் ஆறாம் அறிவு சம்பந்தப்பட்டதுதான். மிருகங்களுக்கு பேய் பயம் இருக்கிறதா? இல்லை. காரணம் அதற்கு ஆறாவது அறிவு கிடையாது. இதை ஒரு கதை வழியாக சொல்கிற படம். பெற்றோர் எதிர்ப்பை மீறி திருமணம் செய்து கொள்ளும் தம்பதிகள் சந்தோஷமாக வாழ்கிறார்கள். திடீரென அவர்களுக்கு நெருக்கமான ஒருவர் இறந்து விடுகிறார். அதன் பிறகு மனைவியின் நடத்தையில் மாறுதல் தெரிய ஆரம்பிக்கிறது. இறப்புக்கும், மனைவி நடத்தை மாறுதலுக்கும் என்ன சம்பந்தம் என்பதை சஸ்பென்ஸ் த்ரில்லர் பாணியில் சொல்லும் படம். என்கிறார் டாக்டர் பரத் விஜய்.

• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்
• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்

• 
  ‛கில்லி' ரீ-ரிலீஸ் : த்ரிஷா நெகிழ்ச்சி
• 
  சந்தானத்தின் இங்க நான் தான் கிங்கு படம் மே 10 ல் ரிலீஸ்
• 
  பைக் டாக்சி ஓட்டுனராக நடிக்கும் நக்ஷா சரண்
• 
  எழுத்தாளராக நடிக்கும் வெற்றி
• 
  ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி