மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' | மகள் திருமணத்தில் பிசியான ஷங்கர் | மீண்டும் வெளியாகிறது 'அஞ்சான்' | விடுதலைபுலி இயக்கத்தின் அடுத்தகட்ட தலைவர்கள் பற்றிய படம் | பிளாஷ்பேக்: நம்பியாருக்கு பொருத்தமான ஜோடியாக வலம் வந்த டி.கே.சரஸ்வதி |
நாகர்கோவில் தமிழ் பொண்ணு பத்மப்ரியா. மலையாளப் படங்களில் நடிக்க ஆரம்பித்து 'தவமாய் தவமிருந்து' படத்தின் மூலம் தமிழுக்கு வந்தார். பட்டியல், சத்தம்போடாதே, மிருகம், பொக்கிஷம், இரும்புக்கோட்டை முரட்டு சிங்கம், தங்க மீன்கள் படத்தில் நடித்தார்.
பத்மப்ரியா நடித்துக் கொண்டே அமெரிக்க பல்கலைகழம் ஒன்றில் எம்பிஏ படித்தார். அப்போது உடன் படித்த குஜராத்தைச் சேர்ந்த ஜாஸ்மினை காதலித்து திருமணம் செய்து கொண்டார். எம்பிஏ படிப்பின் இறுதியாண்டு அமெரிக்காவில் தங்கி படிக்க வேண்டும் என்பதால் இருவரும் படிப்புக்காக அமெரிக்கா சென்று விட்டனர். இதனால் கடந்த ஒரு ஆண்டாக பத்மப்ரியா எந்த படத்திலும் நடிக்வில்லை. அவர் சினிமாவை விட்டு விலகி விட்டார் என்றும் அமெரிக்காவில் செட்டிலாகிவிட்டார் என்றும் செய்திகள் வெளியானது.
தற்போது பத்மப்ரியா படிப்பை முடித்த விட்டு இந்தியா திரும்பிவிட்டார். தனது வருங்கால சினிமா குறித்து அவர் கூறியிருப்பதாவது: நான் சினிமாவிலிருந்து விலகி விட்டதாக பலர் தவறான தகவல்களை பரப்பி இருக்கிறார்கள். இது வேதனையாக இருக்கிறது. சினிமாவை மறக்கவோ, விட்டு விலகவோ என்னால் முடியாது. படிக்கிற காலத்திலும் இயோபின்ட புத்தகம் என்ற மலையாளப்படத்தில் நடிக்கத்தான் செய்தேன். கடந்த ஒரு வருடமாக நடிக்க வில்லை என்பது உண்மைதான். இப்போது படிப்பு முடிந்து வந்துவிட்டேன். தமிழ் மற்றும் மலையாளத்தில் கதை கேட்டுக் கொண்டிருக்கிறேன். விரைவில் நான் நடிக்கும் படம் பற்றிய முறையான அறிவிப்பு வரும். என்கிறார் பத்மப்பிரியா.