Dinamalar

காமெடி வட்டத்திற்குள் சிக்கிக்கொள்ள விரும்பவில்லை! -நடிகர் சத்யன்

இளையவன், கண்ணா உன்னை தேடுகிறேன் போன்ற படங்களில் நாயகனாக சினிமாவில் அறிமுகமானவர் சத்யன். அந்த படங்களில் அவருக்கு ஜோடியாக அப்போது பிரபலமாக இருந்த சுபலட்சுமி, கெளசல்யா போன்ற நடிகைகள் நடித்தனர். அதன்பிறகு காமெடிக்கு மாறிவிட்ட சத்யன், மன்மதன், கோயில், தேவதையைக்கண்டேன், மாயாவி, கஜினி, சச்சின், கிரீடம், நண்பன், வேட்டைக்காரன், துப்பாக்கி, ரெளத்திரம், புலி என சுமார் 60 படங்களில் நடித்துள்ளார். இந்த படங்களில் பெரும்பாலும் காமெடியனாகவே நடித்துள்ள சத்யன், அடுத்தபடியாக குணசித்ர வேடங்கள் பக்கமும் திரும்பியிருக்கிறார்.

இதுபற்றி அவர் கூறுகையில், சினிமாவில் கதாநாயகனாக நடித்த நான் பின்னர் காமெடியனாக ஒரு ரூட்டை பிடித்தேன். என்றாலும் சில படங்களில் குணசித்ர வேடங்களிலும் நடித்தேன். ஆனபோதும் மார்க்கெட்டில் நான் காமெடியனாகவே நிற்கிறேன். மேலும், நண்பன், துப்பாக்கி உள்ளிட்ட சில படங்களில் முக்கியத்துவம் வாய்ந்த கேரக்டர்கள். இதில் நண்பனில் காமெடியாகவே வில்லத்தனம் செய்தேன். அது பேசப்பட்டது. அதேமாதிரி துப்பாக்கியில் விஜய்யின் நண்பனாக நடித்த நான், குணசித்ரமும் கலந்து நடித்தேன். அதில் க்ளைமாக்சில் நான் பேசும் டயலாக்குகள் ரசிகர்களை வெகுவாக கவர்ந்தது.

அதோடு, குணசித்ர வேடங்களிலும் நம்மால் ஸ்கோர் பண்ண முடியும் என்ற நம்பிக்கை எனக்கு ஏற்பட்டது. அதனால் இப்போது குணசித்ர வேடங்களிலும் நடிப்பதில் ஆர்வமாக உள்ளேன். இப்போது நான் சூர்யாவுடன் 24 படத்தில் ப்ரண்டாகவும், விக்ரம் பிரபுவுடன் வாஹா படத்தில் அவரது அண்ணனாகவும் நடித்திருக்கிறேன். இதில் 24 படத்தில் குறைவான நேரமே நான் வந்தபோதும் நல்ல அழுத்தமான காட்சிகளில் நடித்திருக்கிறேன். அதேபோல் வாஹாவில் செண்டிமென்ட் கலந்த அண்ணனாக நடித்துள்ளேன். ஆக, இந்த படங்கள் எனக்கு புதிய இமேஜை உருவாக்கும். இதையடுத்து காமெடி என்கிற வட்டத்திற்குள் மட்டுமே சிக்கிக்கொள்ளாமல் எல்லாவிதமான கேரக்டர்களிலும் நடிக்க விரும்புகிறேன் என்கிறார் சத்யன்.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்

• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்
• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்

• 
  சந்தானத்தின் இங்க நான் தான் கிங்கு படம் மே 10 ல் ரிலீஸ்
• 
  பைக் டாக்சி ஓட்டுனராக நடிக்கும் நக்ஷா சரண்
• 
  எழுத்தாளராக நடிக்கும் வெற்றி
• 
  ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி
• 
  அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : ...