Dinamalar

வரலட்சுமிக்கு குவியும் பாராட்டுக்கள்

தமிழ்த் திரையுலகத்தில் வாரிசு நடிகர், நடிகைகளுக்குப் பஞ்சமேயில்லை. பல முன்னாள், இந்நாள் நாயகன், நாயகிகள் வாரிசுகள் பலரும் திரையுலகத்தில் நடிகர்களாகவோ, நடிகைகளாகவோ, இயக்குனர்களாகவோ இருந்து வருகிறார்கள். அவர்களில் சிலர் மட்டுமே முன்னணியில் இருக்கிறார்கள், பலர் பின்னணியில்தான் இருக்கிறார்கள். சரியான வாய்ப்புகள் அவர்களைத் தேடி வராததால் அவர்களில் திறமையுள்ள பலரும் இன்னும் பெயர் வாங்காமலே இருக்கிறார்கள். அப்படி ஒருவராக இருந்த வரலட்சுமி 'தாரை தப்பட்டை' படத்தில் சூறாவளி என்ற கதாபாத்திரத்தில் நடித்து தற்போது தன்னைப் பற்றி அதிகம் பேச வைத்திருக்கிறார்.

பொதுவாக பாலா படங்களில் நடிக்கும் நாயகர்கள்தான் அதிகம் பேசப்படுவார்கள். நாயகிகள் சிறப்பாக நடித்திருந்தாலும் நாயகர்களின் நடிப்பு முன்னால் அவர்களின் நடிப்பு எடுபடாமல் போய் விடும். முதன் முறையாக 'தாரை தப்பட்டை' படத்தில் நாயகனான சசிகுமாரின் நடிப்பை விட வரலட்சுமியின் நடிப்பை விமர்சகர்களும், ரசிகர்களும் குறிப்பிட்டுப் பாராட்டி வருகிறார்கள்.

ஒரு கரகாட்டக்காரராக எந்த விதமான கூச்சமும் இல்லாமல் கிளாமரான ஆடை அணிவதிலிருந்து, கொஞ்சம் ஆபாசமான நடனம் ஆடுவது வரை அப்படியே திரையில் கொண்டு வந்திருக்கிறார் வரலட்சமி. நிஜ ஆட்டக்காரர்களே ஆச்சரியப்படும் அளவிற்கு வரலட்சுமியின் நடிப்பு அமைந்துள்ளதாக பொதுவான பாராட்டு வரலட்சுமிக்குக் கிடைத்து வருகிறது. திரையுலகத்தைச் சேர்ந்த பலரும் வரலட்சுமியைப் பாராட்டி வருகிறார்கள். இளையராஜாவின் இசையைத் தாண்டி 'தாரை தப்பட்டை' படத்தில் வரலட்சுமியின் நடிப்பு மட்டுமே பலரையும் கவர்ந்த விஷயமாக உள்ளது.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  'குரங்கு பெடல்' 80ஸ் கிட்ஸின் கதை : கமலக்கண்ணன்
• 
  மே 17ல் வருகிறார் சத்யபாமா
• 
  பிளாஷ்பேக் : ஜானகியை காத்த ராமன்
• 
  'மார்க் ஆண்டனி' வெற்றியைத் தக்க வைப்பாரா 'ரத்னம்'?
• 
  'விக்ரம், லியோ, கூலி' - டைட்டில் டீசர் வீடியோ, எது பெஸ்ட்?