ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
'கத்தி' படத்தை தயாரித்த 'லைகா புரொடக்ஷன்ஸ்' நிறுவனம் தமிழ்ப்பட தயாரிப்பில் கவனம் செலுத்த திட்டமிட்டுள்ளது. கத்தி படத்தைத் தயாரித்த பிறகு வேறு படத்தை தயாரிக்காமல் இருந்த லைகா நிறுவனம் அண்மையில் தனுஷ் தயாரித்த நானும் ரௌடிதான் படத்தை வாங்கி வெளியிட்டது. வேறு சில படங்களையும் வாங்கி வெளியிட உள்ளதோடு, இன்னொரு பக்கம் தொடர்ந்து பல படங்களை தயாரிக்கவும் திட்டமிட்டுள்ளது. ஷங்கர் இயக்கத்தில் ரஜினி நடிக்கும் 'எந்திரன்-2' படத்தை பிரம்மாண்டமான முறையில் இந்நிறுவனம்தான் தயாரிக்கிறது.
இந்தப் படத்தை வெளியிட்ட பிறகு கமல் நடிக்கும் மருதநாயகம் படத்தையும் லைகா தயாரிக்க உள்ளது. இப்படங்கள் தவிர, ஜி.வி.பிரகாஷ் குமார் ஹீரோவாக நடிக்கும் ஒரு படத்தையும் இந்நிறுவனம் தயாரிக்கிறது! இப்படத்தின் பூஜை நேற்று சென்னையில் நடைபெற்றது. ஜி.வி.பிரகாஷ்குமாரை வைத்து 'டார்லிங்' படத்தை இயக்கிய சாம் ஆண்டன் இப்படத்தை இயக்குகிறார். இன்னும் பெயரிடப்படாத இப்படத்தில் ஜி.வி.பிரகாஷ்குமாருக்கு ஜோடியாக ஆனந்தி நடிக்கிறார். 'த்ரிஷா இல்லனா நயன்தாரா' படத்தில் ஜி.வி.பிரகாஷ் குமார் ஆனந்தி இருவரும் இணைந்து நடித்தனர். அப்படத்தின் வெற்றி சென்ட்டிமென்ட் காரணமாக மீண்டும் ஆனந்தியை கதாநாயகியாக நடிக்க வைத்திருக்கிறார்கள்.