Dinamalar

பத்து நிமிடத்தில் கிடைத்த படத்தலைப்பு

ஏற்கனவே வெளியாகி வெற்றிபெற்ற படங்களின் தலைப்பை தற்போது தயாராகும் படங்களுக்கு சூட்டுவது கடந்த சில வருடங்களாக அதிகரித்து வருகிறது.

அதிலும் குறிப்பாக ரஜினி நடித்த படங்களின் தலைப்புகளைத்தான் அதிக எண்ணிக்கையில் புதிய படங்களுக்கு வைக்கின்றனர்.

இந்த விஷயத்தில் ரஜினியின் மருமகனான நடிகர் தனுஷ் முதலிடத்தில் இருக்கிறார்.

ஏற்கனவே ரஜினி நடித்த பொல்லாதவன், படிக்காதவன், மாப்பிள்ளை ஆகிய படங்களின் தலைப்பை தன் படங்களுக்கு சூட்டிய தனுஷ் தற்போது தங்கமகன் என்ற தலைப்பையும் சூட்டியுள்ளார்.

தனுஷ் மட்டுமின்றி வேறு பல ஹீரோக்களும் ரஜினியின் படத்தலைப்பில் குறி வைத்து வருகின்றனர்.

இந்நிலையில் விஜய்சேதுபதியின் புதிய படத்துக்கு தர்மதுரை என்ற ரஜினியின் படத்தலைப்பை சூட்டி உள்ளனர்.

1989 ஆம் வருடம் வெளியான தேவா என்ற கன்னடப் படத்தின் ரீமேக்கான தர்மதுரை படத்தில் ரஜினி, கௌதமி, சரண்ராஜ், நிழல்கள் ரவி, செந்தில் ஆகியோர் நடித்தனர்.

ராஜசேகர் இயக்கத்தில் 1991 ல் வெளியாகி மிகப்பெரிய வெற்றியைப் பெற்ற படம் இது.

ராசி கலா மந்திர் என்ற படநிறுவனம் சார்பில் எஸ்.ராமனாதன் தர்மதுரை படத்தைத் தயாரித்திருந்தார்.

தற்போது விஜய்சேதுபதியை வைத்து எடுக்க உள்ள படத்துக்கு தர்மதுரை தலைப்பு தேவைப்பட்டதால், எஸ்.ராமனாதன் தரப்பினரை அணுகினார் ஸ்டுடியோ 9 சுரேஷ்.

அவரை அலுவலகத்துக்கு வரச் சொன்னவர்கள் 10 நிமிடத்தில் தர்மதுரை தலைப்பை பயன்படுத்திக் கொள்ள அனுமதியளிக்கும் கடிதத்தைக் கொடுத்துவிட்டனர்.

அந்த தலைப்புக்காக பணம் எதுவும் வாங்கவில்லையாம்.

தர்மதுரை படத்தின் தயாரிப்பாளரே தர்மதுரையாக இருக்கிறார்கள்.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  'அரண்மனை 4' வெளியீடு தள்ளிவைப்பு
• 
  600க்கும் அதிகமான தியேட்டர்களில் 'கில்லி' ரீ-ரிலீஸ்
• 
  இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் ...
• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'