ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
'இடம் பொருள் ஏவல்' படத்திற்குப் பிறகு சீனு ராமசாமி இயக்கத்தில் உருவாக உள்ள படம் 'தர்மதுரை'. ஸ்டுடியோ 9 சுரேஷ் தயாரிக்க உள்ள இந்தப் படத்தில் விஜய் சேதுபதி கதாநாயகனாக நடிக்க, கதாநாயகியாக லட்சுமி மேனன் நடிக்க உள்ளார். 'இடம் பொருள் ஏவல்' படத்திற்குப் பிறகு மீண்டும் இசையமைப்பாளர் யுவன்ஷங்கர் ராஜா - வைரமுத்து இருவரும் இந்தப் படத்தில் இணைந்துள்ளனர்.
கடந்த சில நாட்களாக இப்படத்தின் பாடல் பதிவு நடைபெற்று வருகிறது. தொடர்ச்சியாகப் பணியாற்றி ஒரே வீச்சில் படத்திற்கான முழுப் பாடல்களையும் யுவன்ஷங்கர் ராஜா கொடுத்ததைப் பார்த்து கவிஞர் வைரமுத்துவும், தயாரிப்பாளர் சுரேஷும் நெகிழ்ந்ததாக படத்தின் இயக்குனர் சீனு ராமசாமி பெருமையுடன் தெரிவித்துள்ளார்.
பல ஹிட் பாடல்களைக் கொடுத்த கூட்டணியான இளையராஜா, வைரமுத்து ஒரு கட்டத்தில் பிரிந்தனர். பல வருடங்களாக அவர்களை இணைக்க நடந்த முயற்சிகள் அனைத்தும் தோல்வியடைந்தன. இந்த சமயத்தில் யாரும் எதிர்பார்க்காத வண்ணம் 'இடம் பொருள் ஏவல்' படத்திற்காக யுவனின் இசையில் வைரமுத்து அனைத்துப் பாடல்களையும் எழுதினார். அந்தப் படத்தின் பாடல்கள் வெளிவந்து அனைவரையும் ரசிக்க வைத்து வருகின்றன. பட வெளியீடு மட்டும் கால தாமதமாகிக் கொண்டிருக்கிறது. இந்நிலையில் யுவன் - வைரமுத்து கூட்டணி மீண்டும் இணைந்திருப்பது திரையுலகில் ஆச்சரிய அலைகளை ஏற்படுத்தியுள்ளது.