இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
10 ஆண்டுகளாக தமிழ், தெலுங்கு சினிமாவில் முன்னணி வகித்து வருபவர் அனுஷ்கா. அருந்ததி படத்திற்கு பிறகு கவனிக்கப்படும் நடிகையான இவர், பாகுபலி, ருத்ரமா தேவி படங்களுக்குப்பிறகு மிகப்பெரிய இடத்துக்குப்போய் விட்டார். தற்போது பாகுபலி-2 படத்திற்காக தன்னை தயார்படுத்திக்கொண்டிருக்கிறார். காரணம், இஞ்சி இடுப்பழகி படத்திற்காக 70 கிலோவுக்கு மேல் உடல் எடையை அதிகப்படுத்தி நடித்தார் அனுஷ்கா. அதனால் இப்போது பாகுபலி-2வுக்காக பெரிய அளவில் உடல் எடையை குறைத்தாக வேண்டிய கட்டாயத்தில் இருக்கிறார். அதனால் டயட்ஸ், உடற்பயிற்சி என்று ஜிம்மில்தான் பெரும்பகுதி நேரத்தை செலவழித்துக்கொண்டிருக்கிறார். அதோடு, பாகுபலியில் ரொம்ப சின்ன ரோலில் நடித்து விட்டீர்களே? என்று கேட்கும் நட்பு வட்டாரங்களிடம், அடுத்த பாகத்தை நான்தான் அதிகமாக ஆக்ரமிக்கப்போகிறேன். அப்போது முதல் பாகத்தில் எதற்காக நான் விட்டுக்கொடுத்தேன் என்பது உங்களுக்கு புரியும் என்று பதில் கொடுத்து வருகிறார்.
மேலும், பெரும்பாலும் தன்னுடன் நடிக்கும் ஹீரோக்களுடன் காதல் கிசுகிசுக்களில் சிக்காமல் இருந்து வந்த அனுஷ்கா, பாகுபலி நாயகன் பிரபாசுடனான காதல் கிசுகிசுவில் சிக்கினார். ஆனால் இதுபற்றி அவர் கூறுகையில், இந்த செய்தியை நானும் படித்தேன். சினிமாவில் இதுமாதிரி செய்திகள் வருவது சகஜமாகி விட்டது. அதனால் அதை நான் கேர் பண்ணவில்லை. மேலும், இப்போது எனது ஆர்வம் இஞ்சி இடுப்பழகி படத்தின் மீதுதான் உள்ளது. திரைக்கு வரத்தயாராகி விட்ட அந்த படம் பார்ப்பதற்கு ஜாலியான கதையாக இருந்தாலும், அந்த கதைக்காக என்னை முழுசாக மாற்றிக்கொண்டு நடித்தேன். அதனால் இந்த படத்திற்கும் பெரிய அங்கீகாரம் கிடைக்கும் என்று எதிர்பார்க்கிறேன். அதோடு, ஆர்யாவுடன் இரண்டாம் உலகம் படத்திற்கு பிறகு இந்த படத்தில் நடித்திருக்கிறேன். அதனால் சில மீடியாக்கள் ஆர்யா தன்னுடன் நடிக்கும் எல்லா நடிகைகளையும் இம்ப்ரஸ் பண்ணவாரே? உங்களிடம் எப்படி நடந்து கொண்டார் என்றும் கேட்கிறார்கள். ஆனால், ஆர்யா என்னிடம் ரொம்ப சகஜமாகவே பழகுகிறார். என்னை இம்ப்ரஸ் பண்ண அவர் எந்தவித முயற்சியும் எடுத்ததாக எனக்கு தெரியவில்லை என்கிறார் அனுஷ்கா.