அமெரிக்காவில் பைக் விபத்தில் காயம் அடைந்த அனுஷ்கா பட ஹீரோ | சித்தார்த்-அதிதி ராவ்-க்கு நயன்தாரா வாழ்த்து | துபாய் மியூசியத்தில் தனது மெழுகுசிலையுடன் போஸ் கொடுத்த அல்லு அர்ஜுன் | சீரியல் நடிகை அக்ஷிதாவிற்கு நடந்து முடிந்த நிச்சயதார்த்தம்! | என்ன கமெண்ட் இதெல்லாம்? கடுப்பான ரோபோ சங்கர் மருமகன் | டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி |
பீட்சா, ஜிகர்தண்டா ஆகிய படங்களை இயக்கியவர் கார்த்திக் சுப்புராஜ். அந்த இரண்டு படங்களுமே ஹிட்டானது. முதல் படம் விஜயசேதுபதிக்கு திருப்பு முனையை ஏற்படுத்தியது போன்று இரண்டாவது படம் அப்படத்தில் வில்லனாக நடித்த பாபி சிம்ஹாவுக்கு பெரிய திருப்பத்தை ஏற்படுத்திக்கொடுத்தது. அதோடு தேசிய விருதினையும் வாங்கிக்கொடுத்தது. இதனால் கார்த்திக் சுப்புராஜ் மீது திரையுலகில் ஒரு பெரிய எதிர்பார்ப்பு உருவானது. முன்னணி ஹீரோக்களே அவர் இயக்கத்தில் நடிக்க ஆசைப்பட்டனர்.
இந்த நிலையில், தற்போது இறைவி என்ற படத்தை இயக்கி வருகிறார். இந்த படத்தில் அவரது முதல் இரண்டு படங்களிலும் நடித்த விஜயசேதுபதி, பாபி சிம்ஹாவுடன் இயக்குனர் எஸ்.ஜே.சூர்யாவும் ஒரு முக்கிய வேடத்தில் நடித்து வருகிறார். அதோடு கவர்ச்சி நாயகி என்கிற இமேஜில் சிக்கியுள்ள அஞ்சலி, இந்த படத்தில் முழு பர்பாமென்ஸை வெளிப்படுத்தக்கூடிய மாறுபட்ட கதாபாத்திரத்தில் நடித்துக்கொண்டிருக்கிறார். ஆக, கார்த்திக் சுப்புராஜின் இந்த இறைவி படமும் அதில் நடித்துள்ள நடிகர் நடிகைகளுக்கு பெரிய பெயரை வாங்கிக்கொடுக்கும் என்று தெரிகிறது.
மேலும், இதன்பிறகு அடுத்த லெவலுக்கு செல்ல வேண்டும் என்று ஆசைப் பட்ட கார்த்திக் சுப்புராஜ், அஜித்திற்கு ஒரு கதையை ரெடி பண்ணி அவர் வேதாளம் படத்தில் நடித்துக்கொண்டிருந்த நேரத்தில் சொல்லியிருக்கிறார். ஆனால், எப்போதுமே படத்தின் அவுட்லைன், ஓப்பனிங், க்ளைமாக்ஸ் பற்றி மட்டுமே முதலில் கேட்கும் அஜித், தனது பாணியிலேயே கதை கேட்டிருக்கிறார். ஆனால், அந்த கதை அஜித்தின் பாணிக்கு ஏற்ப இல்லாமல், கார்த்திக் சுப்புராஜின் பாணியிலேயே இருந்திருக்கிறது. அதனால் எனக்கு செட்டாகாது என்று சொல்லி நடிக்க மறுத்து விட்டாராம்.
அதையடுத்து, அதே கதையை விஜய்யிடம் சொல்லியிருக்கிறார் கார்த்திக் சுப்புராஜ். ஆனால் எப்போதும் தனது ரசிகர்களை மனதில் கொண்டே கதை கேட்கும் விஜய்க்கும் அவர் சொன்ன கதை மீது ஈர்ப்பு வரவில்லையாம். அதனால் அவரும் அப்புறம் பார்க்கலாம் என்று சொல்லி கைவிரித்து விட்டாராம்.