சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு | விஜய் சேதுபதிக்கு வில்லனாகும் நாசர் |
விஜய்யின் அழகிய தமிழ்மகன் படத்தை இயக்கியவர் பரதன். விஜய் இரண்டு வேடங்களில் நடித்து, ஏ.ஆர்.ரஹ்மான் இசையமையில் வெளிவந்த இப்படம் எதிர்பார்த்த அளவுக்கு வெற்றிபெறவில்லை. அதன்பின்னர் பரதனுக்கு சொல்லிக்கொள்ளும் படியான படங்கள் எதுவும் அமையவில்லை. இந்தச்சூழலில் மீண்டும் விஜய் படத்தை இயக்கும் வாய்ப்பு பரதனுக்கு கிடைத்துள்ளது.
புலி படத்தின் தோல்விக்கு பின்னர் தற்போது விஜய், அட்லியின் இயக்கத்தில் நடித்து வருகிறார். பாதிக்கு மேல் இப்படத்தின் ஷூட்டிங் முடிந்துவிட்ட நிலையில், இன்னும் படத்திற்கு பெயர் வைக்கப்படாமல் இருக்கிறது. இந்நிலையில், விஜய்யின் 60வது படத்தை யார் இயக்க போகிறார் என்ற கேள்வி எழுந்தது. விஜய்க்கு குஷி எனும் மாபெரும் ஹிட் படத்தை கொடுத்த எஸ்.ஜே.சூர்யா, விஜய்யின் 60வது படத்தை இயக்க போகிறார் என்றும், அது குஷி-2 படமாக இருக்கும் என்று தகவல்கள் வெளிவந்தன. ஆனால் இதைஎல்லாம் பொய்யாக்கும் விதமாக விஜய்யின் 60வது படத்தை பரதன் தான் இயக்க போகிறார் என்று அதிகாரப்பூர்வமாக அறிவிக்கப்பட்டுள்ளது.
ரொமான்ட்டிக் த்ரில்லர் படமாக உருவாக இருக்கும் இப்படத்தை விஜயா புரொடக்ஷன்ஸ் தயாரிக்கிறது, மதி ஒளிப்பதிவு செய்ய பர்வீன் படத்தொகுப்பு வேலையை கவனிக்க உள்ளார். ஹீரோயின், இசையமைப்பாளர் உள்ளிட்ட தேர்வு நடந்து வருகிறது. அட்லி படத்தை முடித்த கையோடு பரதன் படத்தில் இயக்க உள்ளார் விஜய்.