தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
ஜேம்ஸ்பாண்ட் வரிசையில் வரும் 20ம் தேதி ரிலீஸ் ஆகும் ஸ்பெக்டர் பட டிக்கெட்டின் விலை 430 ரூபாயா? கேட்டு ஷாக் ஆகாதிங்க, இது எல்லா திரையரங்கிலும் இல்லை. காசுக்கேத்த தோசை நிச்சயம் கிடைக்கும் என நம்பலாம். ஆம், சென்னையில் முதல்முறையாக ஐமேக்ஸ் தொழில்நுட்பத்தில் வேளச்சேரி ஜாஸ் சினிமாஸில் வருகின்ற 20ம் தேதி முதல் ஐமேக்ஸ் தொழில்நுட்பத்தில் படங்களை திரையிட இருக்கின்றனர்.
அமெரிக்காவின் ஐமேக்ஸ் தொழில்நுட்பம் ஏற்கனவே இந்தியாவின் பல பெரிய நகரங்களில் அறிமுகமாகிவிட்டன. சென்னையில், வடபழனி விஜயமாலிலும், வேளச்சேரி பீனிக்ஸ் மாலிலும் ஐமேக்ஸ் திரையரங்குகள் நிறுவப்பட்டன. விஜயமால் நிறைய பிரச்சனைகளில் சிக்கித் தவிப்பதால், தற்போது ஐமேக்ஸ் தொழில்நுட்பத்தை சென்னையில் வெளியிடும் பெருமை ஜாஸ் சினிமாஸ்க்கு கிடைத்துள்ளது. வழக்கத்தை விட அதிகமான திரை மற்றும் அசரவைக்கும் துல்லியமான ஒலி என்று சினிமாவை ரசிப்பவர்களுக்கு இந்த அனுபவம் நிச்சயம் பரவசத்தை அளிக்கும் என்று உறுதி கூறுகின்றனர்.
உலகெங்கும் வெளியாகி வெற்றிவாகை சூடிய ஸ்பெக்டர் திரைப்படம் வருகின்ற வெள்ளிக்கிழமை இந்தியாவில் வெளியாகிறது. இந்தப் படத்தை சென்னை ஜாஸ் மாலில் உள்ள ஐமேக்ஸ் திரையரங்கில் முதன்முறையாக திரையிடவிருக்கின்றனர். ஜேம்ஸ்பாண்ட் படத்தின் அதிரடியுடன், ஐமேக்ஸ் தொழில்நுட்பமும் சேர்வதால் இந்தப் படம் ரசிகர்களுக்கு நிச்சயம் ஒரு விருந்தாக இருக்கும் என்று சினிமா ஆர்வலர்கள் கூறுகின்றனர்.
ஆனால், அதிர்ச்சியூட்டும் விஷயம் ஒன்றுதான் திரையரங்கின் டிக்கட் விலை. ஒரு டிக்கெட்டின் விலை 360 ரூபாய். 3டி தொழில்நுட்பம் என்றால் கண்ணாடிக்கு இன்னும் 30 ரூபாய் அதிகம். இதைவிடவும் நீங்கள் இருந்த இடத்திலேயே முன்பதிவு செய்யக்கூடிய இணையதளத்தில் டிக்கெட்டின் விலை 430 ரூபாய் ஆக இருக்கும் என எதிர்ப்பார்க்கப்படுகிறது.