தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
கற்றது தமிழ் படத்தில் அறிமுகமானவர் அஞ்சலி. அதன்பிறகு நடித்த அங்காடித்தெரு அவரை பிரபலப்படுத்தியது. பின்னர் ஹீரோயிசம் கொண்ட கதைகளில் நடித்த அஞ்சலி கமர்சியல் கதாநாயகி ஆனார். குறிப்பாக சுந்தர்.சியின் கலகலப்பு படத்தில் அயிட்டம் நடிகைகளுக்கு இணையாக கவர்ச்சி ஆட்டம் ஆடி அதிர்ச்சி கொடுத்தார். அதையடுத்து குடும்ப சண்டை காரணமாக கோடம்பாக்கத்தை காலி பண்ணிவிட்டு ஆந்திராவில் குடியேறினார்.
ஆனால் அவர் ரீ-என்ட்ரியானபோது, சிங்கம்-2 படத்தில் சூர்யாவுடன் குத்துப்பாட்டுக்குத்தான் ஆடினார். பின்னர் சகலகலா வல்லவன், மாப்ள சிங்கம் படங்களைத் தொடர்ந்து இப்போது ராமின் தரமணி, கார்த்திக் சுப்புராஜின் இறைவி படங்களில் நடித்துக்கொண்டிருக்கிறார். இந்த படங்களில் அஞ்சலி நடிக்கும் கேரக்டர்கள் ரொம்ப சஸ்பென்சாக உள்ளது. காரணம், அவர் மீடியா பேட்டிகளில் எதையும் மனதில் வைக்காமல் மடைதிறந்தார் போன்று கொட்டி விடுவதால், படம் திரைக்கு வருவதுவரை எந்த விசயத்தையும் லீக்அவுட் செய்து விடக்கூடாது என்று சம்பந்தப்பட்ட பட டைரக்டர்கள் அவருக்கு வாய்ப்பூட்டு போட்டு வைத்துள்ளனர்.
ஆனபோதும், தனது கோலிவுட் நண்பர்களிடம், தரமணி படத்தில் ஆண்ட்ரியா நாயகி என்றபோதும், எனது கதாபாத்திரமும் பேசப்படும். என்னை கற்றது தமிழ் படத்துக்காக தமிழுக்கு அழைத்து வந்தவர் டைரக்டர் ராம். அவர் இப்போது என்னை இந்த தரமணி படத்திலும் ஒரு புதுமையான வேடத்தில் நடிக்க வைத்திருக்கிறார். அதேபோல், ஜிகர்தண்டா டைரக்டர் கார்த்திக் சுப்புராஜ், நானே நினைத்து பார்த்திராத ஒரு வேடத்தில் நடிக்க வைத்திருக்கிறார். அஞ்சலிக்கு இந்த மாதிரியும் நடிக்க தெரியுமா... என்று ரசிகர்கள் ஆச்சர்யப்படும் அளவுக்கு என்னை புதிய கோணத்தில் வெளிப்படுத்தியிருக்கிறார். அதனால், இந்த படங்களுக்குப்பிறகு பர்பாமென்ஸ் நடிகை என்கிற நல்ல முத்திரை என் மீது விழும் என்று கூறி வருகிறார் அஞ்சலி.