சந்தானத்தின் இங்க நான் தான் கிங்கு படம் மே 10 ல் ரிலீஸ் | பைக் டாக்சி ஓட்டுனராக நடிக்கும் நக்ஷா சரண் | எழுத்தாளராக நடிக்கும் வெற்றி | ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி | அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : விஷால் | பிளாஷ்பேக்: நடிகையை திருமணம் செய்த முதல் இயக்குனர் | அன்பே வா சீரியல் நடிகருக்கு திருமணம் | எதிர்நீச்சல் நடிகையின் ஜாலி டூர் கிளிக்ஸ் | நடன பள்ளி தொடங்கிய காயத்ரி - யுவராஜ் | தேர்தல் விதி மீறல் : விஜய் மீது சென்னை கமிஷனர் அலுவலகத்தில் புகார் |
அக்டோபர் 21 ஆயுதபூஜையைவிட்டால் அடுத்த பண்டிகை தினம் என்பது தீபாவளிதான். அன்றைக்கு பல படங்கள் வெளியாகும் என எதிர்பார்க்கப்பட்டது. ஆனால், தீபாவளியை முன்னிட்டு கமல்ஹாசன் நடித்த 'தூங்காவனம்', அஜித்தின் 'வேதாளம்' ஆகிய இரண்டு படங்கள் ரிலீசாகவிருப்பதால் மற்ற படங்கள் பின்வாங்கிவிட்டன. தனுஷ் நடித்த தங்கமகன் போன்ற படங்கள் டிசம்பருக்கு தள்ளி வைக்கப்பட்டன.
இந்தநிலையில், 'தூங்காவனம்', 'வேதாளம்' படங்களுக்குப் போட்டியாக நகுல் ஹீரோவாக நடித்திருக்கும் 'நாரதன்' படமும் தீபாவளி ரேசில் குதிக்கிறது. நாகா வெங்கடேஷ் இயக்கியிருக்கும் 'நாரதன்' படத்தில் நகுலுக்கு ஜோடியாக நிகேஷா பட்டேல் நடித்துள்ளார். இவர்களுடன் பிரேம்ஜி காமெடி கேரக்டரில் நடித்துள்ளார்.
அதுமட்டுமல்ல, நாரதன் என்பதே அவரது கேரக்டரைத்தான் குறிக்கிறது. சஜித் வி.நம்பியார் தயாரித்துள்ள இப்படத்திற்கு மணி சர்மா இசை அமைத்துள்ளார்.
நாரதன் படத்தின் டிரைலரும், பாடல்களும் ஏற்கெனவே வெளியாகியுள்ள நிலையில் மிக துணிச்சலாக தீபாவளி அன்று கமல், அஜித் படங்களுடன் மோதுகிறது. மொத்தம் உள்ள தியேட்டர்களை 'தூங்காவனம்', 'வேதாளம்' படங்களே ஆக்ரமித்துக்கொண்டுவிடும். நாரதன் படத்துக்கு தியேட்டர் கிடைக்குமா? பார்க்கலாம்.