ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
தென்னிந்திய நடிகர் சங்கத்திற்கு நாசர் தலைமையில் புதிய நிர்வாகிகள் பொறுப்புக்கு வந்திருக்கிறார்கள். இப்போதே அவர்கள் பணியை தொடங்கிவிட்டாலும் முறைப்படி பொதுக்குழு முன் அவர்கள் பதவியேற்க வேண்டும். இதற்காக விரைவில் பொதுக்குழுவை கூட்ட இருக்கிறார்கள். இந்த மாதத்தின் இறுதி ஞாயிற்று கிழமை (25ந் தேதி) அல்லது அடுத்த மாதம் முதல் ஞாயிற்றுக் கிழமை (நவம்பர் 1ந் தேதி) பொதுக்குழு கூடும் என்று எதிர்பார்க்கப்படுகிறது.
மொத்தம் உள்ள 3139 உறுப்பினர்களுக்கும் அழைப்பு அனுப்பப்படுகிறது. சென்னை காமராஜர் அரங்கம் அல்லது வானகரத்தில் உள்ள ஒரு பெரிய திருமண மண்டபம் ஆகியவற்றில் பொதுக்குழு கூடும் என்கிறார்கள். இந்த பொதுக்குழுவில் புதிய நிர்வாகிகள் பதவி ஏற்கிறார்கள். அதோடு அடுத்த 3 ஆண்டுக்கான புதிய செயல் திட்டங்களை அறிவிக்க இருக்கிறார்கள்.
அவற்றில் முக்கியமானவை வருமாறு:
1.நடிகர் சங்கத்திற்கு புதிய கட்டிடம் கட்டுவதற்கு தேவையான நிதி திரட்டல் திட்டம்.
2.நடிகர் சங்கத்தின் மீது போடப்பட்டுள்ள அனைத்து வழக்குகளையும் சம்பந்தப்பட்டவர்களை வாபஸ் பெற வைப்பது.
3.சங்க உறுப்பினர்கள் பட்டியலை முறைப்படுத்துவது. நடிகர்கள் அல்லாத உறுப்பினர்கள் கண்டுபிடிக்கப்பட்டு நீக்குவது, நிஜமான நடிகர்களை உறுப்பினராக்குவது. உறுப்பினர்கள் பற்றி தகவல்களை இணைய தளத்தில் பதிவேற்றம் செய்வது.
4.சரத்குமார் அணி சார்பில் 4 செயற்குழு உறுப்பினர்கள் வெற்றி பெற்றிருக்கிறார்கள். அவர்களுக்கு முக்கிய பொறுப்புகள் வழங்குவது.
5.நலிந்த கலைஞர்கள் பெற்று வரும் சலுகைகளை உயர்த்துவது.
இந்த 5 அம்சங்களை நிறைவேற்றுவது தொடர்பாக தீர்மானங்கள் நிறைவேற்றப்பட இருக்கிறது.