ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
சிம்புவுக்கும், தாமதத்திற்கும் நெருங்கிய தொடர்பு உள்ளது. கடந்த பல வருடங்களாகவே தன்னுடைய படப்பிடிப்பிற்குக் கூட சிம்பு சரியான நேரத்தில் போக மாட்டார் என்ற ஒரு தகவல் கோலிவுட்டில் இருக்கிறது. இப்போதும் கூட அவர் சொன்ன நேரத்தைக் கடைபிடிக்க மாட்டார் என்றே திரையுலகத்தில் உள்ளவர்கள் சொல்வார்கள். அவர் தாமதமாக வருவதால்தான் அவருடைய படங்கள் திட்டமிட்டபடி முடிவடைவதில்லை என்ற குற்றச்சாட்டும் தயாரிப்பாளர்களிடம் உண்டு. சிம்புவை வைத்து படம் தயாரிக்கவே பலர் அஞ்சுகிறார்கள் என்பதுதான் உண்மை.
சமீபத்தில் கூட செல்வராகவன் இயக்கத்தில் சிம்பு நடிக்க உருவாகி வந்த 'கான்' திரைப்படம் தற்காலிகமாக கைவிடப்பட்டுள்ளது. சிம்பு நடித்துள்ள 'இது நம்ம ஆளு', நீண்ட நாள் கிடப்பில் இருக்கும் 'வேட்டை மன்னன்' ஆகிய படங்கள் எப்போது வரும் என்று சொல்ல முடியாத நிலைமையே உள்ளது.
சிம்புவின் படங்களுக்குத்தான் இந்த நிலை என்று பார்த்தால் நேற்று நடைபெற்ற நடிகர் சங்கத் தேர்தலிலும் சிம்புவின் தாமதமான ராசி நிறையவே வேலை செய்தது. நடிகர் சங்கத் தேர்தல் முடிவுகள் நள்ளிரவில் ஒவ்வொன்றாக அறிவிக்கப்பட்டு வந்தன. ஆனால், துணைத் தலைவர்களுக்கான முடிவுகள் அறிவிப்பதில் நீண்ட தாமதம் ஏற்பட்டது. தேர்தல் முடிவுகளை ஆவலுடன் எதிர்பார்த்து காத்துக் கொண்டிருந்த ரசிகர்கள், 'சிம்பு எங்கெல்லாம் இருக்கிறாரோ, அங்கெல்லாம் தாமதம் இருக்கும்' என்ற ரீதியில் சமூக வலைத்தளங்களில் கமெண்ட்டுகளை அடிக்க ஆரம்பித்தார்கள்.
கடைசியில் 'சிம்பு தோல்வி' என்று தெரிந்த பிறகே பலர் 'குட் நைட்' சொல்லிவிட்டு நிம்மதியாக தூங்கச் சென்றார்கள்.