மீண்டும் ரஜினி படப்பெயரை கடன் வாங்கிய தனுஷ்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

11 அக், 2015 - 11:04 IST

எழுத்தின் அளவு:

Dhanush-again-acts-in-Rajinis-film-titile

'வேலையில்லா பட்டதாரி' படக் குழுவினரின் இரண்டாவது படமாக அந்தப் படத்தின் இரண்டாவது பாகமாக உருவாக்கப்படுவதாகச் சொல்லப்படும் படத்திற்கு நேற்று 'தங்க மகன்' என்ற தலைப்பை அறிவித்துள்ளார்கள். 'பொல்லாதவன், படிக்காதவன், மாப்பிள்ளை' ஆகிய ரஜினிகாந்த் நடித்த படங்களின் பெயர்களில் தன் படங்களுக்கு இதற்கு முன்னும் தலைப்பு வைத்தவர்தான் தனுஷ். இப்போது மீண்டும் ரஜினிகாந்த் நடித்து 1983ம் ஆண்டு வெளிவந்த 'தங்கமகன்' படத்தின் பெயரை வைத்துள்ளார்.

வேல்ராஜ் இயக்கத்தில் அனிருத் இசையமைக்கும் இந்தப் படத்தில் தனுஷ் ஜோடியாக சமந்தா, எமி ஜாக்சன் நடிக்கிறார்கள். கடந்த வாரம்தான் இப்படத்தின் படப்பிடிப்பு முழுவதுமாக முடிந்தது. தற்போது இறுதிக் கட்டப் பணிகள் நடந்து வருகின்றன. விரைவில் படத்தின் இசை வெளியீடு நடைபெற உள்ளது.

ரஜினிகாந்த் நடித்த சூப்பர் ஹிட் படங்களின் பெயர்களைத் தங்களது படங்களுக்கு வைப்பதை தற்போது சில ஹீரோக்கள் வழக்கமாகக் கொண்டிருக்கிறார்கள். ஏற்கனவே பாபி சிம்ஹா நடிக்க 'வீரா' என்ற படமும், ஜீவா நடிக்க 'போக்கிரிராஜா' என்ற படமும் தயாராகி வருகின்றன. விஜய் நடித்து வரும் புதிய படத்திற்கும் கூட 'மூன்று முகம்' எனப் பெயர் வைக்க உள்ளதாகச் செய்திகள் வெளியாகின.

தமிழ் சினிமாவில் தலைப்புப் பஞ்சம் அதிகமாக இருக்கிறது என்பது மீண்டும் நிரூபணம் ஆகியுள்ளது.

dhanush

rajini

thangamagan

தனுஷ்

ரஜினி

தங்கமகன்

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய