'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் | மே 17ல் வருகிறார் சத்யபாமா | பிளாஷ்பேக் : ஜானகியை காத்த ராமன் | 'மார்க் ஆண்டனி' வெற்றியைத் தக்க வைப்பாரா 'ரத்னம்'? | 'விக்ரம், லியோ, கூலி' - டைட்டில் டீசர் வீடியோ, எது பெஸ்ட்? | 10 வருடங்களுக்கு பிறகு ஜூனியர் என்டிஆர் பட இயக்குனர் - ஒளிப்பதிவாளர் பரஸ்பரம் குற்றச்சாட்டு | ஜன கன மன 2 எப்போது? - இயக்குனர் தகவல் | ஆவேசம் படத்துக்கு சமந்தா பாராட்டு |
இந்தி பட உலகின், பிரபல இசையமைப்பாளர் ரவீந்திர ஜெயின், 71, காலமானார். சிறுநீரக கோளாறு காரணமாக அவதிப்பட்டு வந்த அவர், மும்பை, லீலாவதி மருத்துவமனையில் சிகிச்சை பெற்று வந்தார். நேற்று, அவரது உடல் உறுப்புகள் திடீரென்று செயலிழந்ததை அடுத்து காலமானார். அவருக்கு, திவ்யா ஜெயின் என்ற மனைவியும், ஆயுஷ் என்ற மகனும் உள்ளனர்.
பார்வையற்ற ரவீந்திர ஜெயின், பாடகர், பாடலாசிரியர், இசையமைப்பாளர் என, பன்முக திறமைகளுடன் விளங்கினார். பின்னணி பாடகர் ஜேசுதாஸை, இந்தியில் அறிமுகப்படுத்தியவர். சோர் மச்சாயே சோர், கீத் காதாத் சல், சிட்சோர் உட்பட பிரபல இந்தி படங்களில், தேனிசைப் பாடல்களை தந்து, இசைப்பிரியர்களின் செவிகளை குளிர வைத்தவர்.
நெடிய இசைப் பயணத்தின் நடுவே, சற்று இளைப்பாறியவரை, ராஜ்கபூரின், ராம் தேரி கங்கா மேலி படம் மீண்டும், சுறுசுறுப்பாக்கி, புகழின் உச்சிக்கு கொண்டு சென்றது. ஏராளமான திரைப்படங்கள், டிவி தொடர்கள், பக்திப் பாடல்களுக்கு இசையமைத்து உள்ளார்.
ரவீந்திர ஜெயின் மறைவுக்கு, பிரதமர் மோடி உள்ளிட்ட தலைவர்கள், திரையுலகினர் ஆழ்ந்த இரங்கல் தெரிவித்து உள்ளனர்.