ஒரே நேரத்தில் பஹத் பாசிலை வைத்து இரண்டு படங்களை தயாரிக்கும் ராஜமவுலி மகன்! | பெண்களால் முடியாதது எதுவுமில்லை! அண்ணா பல்கலை விழாவில் சூர்யா பேச்சு | கேரள ரசிகர்கள் தள்ளுமுள்ளு! விஜய்யின் கார் கண்ணாடி உடைந்தது!! | இறுதிக்கட்டத்தை நெருங்கிய ஜெயம் ரவியின் ஜீனி! | ஆண்ட்ரியாவுக்காக அடம்பிடித்த இயக்குனர் | ரூ.200 கோடி வசூலித்த முதல் மலையாள படம்: மஞ்சும்மேல் பாய்ஸ் சாதனை | ‛உன்னோடு வாழாத வாழ்வென்ன வாழ்வு': 25வது ஆண்டு திருமண வாழ்க்கையை கொண்டாடிய அஜித் - ஷாலினி தம்பதி | பாலிவுட்க்கு செல்லும் சுந்தர்.சி! | விஜய் மகனை நிராகரித்த சிவகார்த்திகேயன்! | இளையராஜா பயோபிக் படம் குறித்து புதிய தகவல் இதோ! |
நடிகர் சங்கம் தேர்தல் நாளுக்கு நாள் உச்சக்கட்டத்தை எட்டி வருகிறது. விஷாலின் பாண்டவர் அணியினர் தமிழகம் முழுக்க நாடக நடிகர்களிடம் ஓட்டுவேட்டை நடத்தி வருகின்றனர். இந்நிலையில் மதுரையில் பத்திரிகையாளர்களை சந்தித்தார் நடிகர் வடிவேலு. அப்போது அவர் பேசும்போது... நடிகர் சங்கம் களவு போய்விட்டது. அதை கண்டுபிடிப்பது இப்போது தான் முதல் வேலை. இந்த தேர்தலும் அதற்காகத்தான்.
எதிரணியனருக்கு பயம் வந்துவிட்டது, அதனால் தான் வாய்க்கு வந்ததை எல்லாம் பேசுகின்றனர். நேற்று ராதிகா பேசும்போது விஷாலை பார்த்து விஷால் ரெட்டி விஷால் ரெட்டி என்று குறிப்பிடுகிறார். எதற்காக ஜாதியை சொல்லி குறிப்பிட வேண்டும். நடிகர்களுக்கு ஜாதி, மதம், மொழி எதுவும் கிடையாது. ஒருவேளை நடிகர் ரஜினிகாந்த் இந்த தேர்தலில் போட்டியிட்டால் அவரை ரஜினிகாந்த் ராவ் என்று சொல்வார்களா...?
தம்பி சிம்பு நேற்று கொஞ்சம் உணர்ச்சிவசப்பட்டு பேசிவிட்டார். அவர் பேசவில்லை, அவரை அப்படடி பேச தூண்டிவிட்டுள்ளனர். அவர் அப்படி பேசியது தவறு தான். எதிரணியினர் நாடக, நடிகர்களை ஒருபோதும் மதித்தது கிடையாது. பாண்டவர் கண்டிப்பாக நன்மை செய்யும். எங்களது அணிக்கு வெற்றி வாய்ப்பு பிரகாசமாக உள்ளது. கண்டிப்பாக இந்த தேர்தலில் நாங்கள் வெற்றி பெற்று களவு போன நடிகர் சங்க கட்டடத்தை மீட்போம் என்றார்.
மேலும் வடிவேலுவிடம், நடிகர் சங்க தேர்தலில் பிரச்சாரம் செய்வது போன்று வருகின்றன சட்டசபை தேர்தலில் எந்த கட்சிக்காவது பிரச்சாரம் செய்வீர்களா..? என்று கேட்டபோது, நிச்சயமாக கிடையாது, அந்தமாதிரி எண்ணம் எதுவும் எனக்கு கிடையாது, மேலும் நான் எந்த கட்சியிலும் உறுப்பினராக இல்லை, கடந்தமுறை எதற்காக பிரச்சாரம் செய்தேன் என்று எல்லோருக்கும் தெரியும் என்றார்.