Dinamalar

ஹீரோயிசத்துக்கு மாறிய பிரபுசாலமன்!

ஆரம்பத்தில் விக்ரமை வைத்து கிங், கரண் நடிப்பில் கொக்கி, சிபிராஜ் நடித்த லீ என ஹீரோயிசம் கொண்ட படங்களாக இயக்கியவர் பிரபுசாலமன். ஆனால் அப்படி அவர் இயக்கிய படங்கள் எதிர்பார்த்தபடி ஹிட் கொடுக்கவில்லை. அதனால் சரியான தயாரிப்பாளர் கிடைக்காமல் மைனா படத்தை குறைந்த முதலீட்டில் அப்போதைய புதுமுக நடிகர் விதார்த்தை வைத்து தொடங்கினார் பிரபுசாலமன். சிந்துசமவெளி படத்தில் சர்ச்சைக்குரிய வேடத்தில் நடித்திருந்த அமலாபாலை நாயகியாக்கினார்.

ஆனால் ஹீரோயிசத்தை மையமாக கொண்டு அவர் இயக்கிய படங்கள் எதுவும் ஓடாத நிலையில், புதுமுக நடிகரை வைத்து இயக்கிய மைனா சூப்பர் ஹிட்டானது. அதன்பிறகே பிரபுசாலமன் என்றொரு இயக்குனர் வெளியில் தெரிய ஆரம்பித்தார். பின்னர் விக்ரம் பிரபுவை வைத்து கும்கி படத்தை இயக்கிய அவர், கயல் படத்திலும் சந்திரன் என்ற புதுமுக நடிகரையே நாயகனாக நடிக்க வைத்தார். ஆனால் அவர் புதுமுக ஹீரோக்களை வைத்து இயக்கிய இரண்டு படங்கள் ஓடிய நிலையில், மூன்றாவதாக இயக்கிய படம் ஓடவில்லை. அதனால் மறுபடியும் தனது ரூட்டை ஹீரோயிசத்து பக்கம் திருப்பிவிட்டார்.

தற்போது சத்யஜோதி பிலிம்ஸ் தயாரிப்பில் தனுஷ் நடித்துள்ள பெயரிடப்படாத படத்தை இயக்கியுள்ளார் பிரபுசாலமன். முழுக்க முழுக்க ரயிலுக்குள் நடந்து முடிந்துள்ள இந்த படத்தில் தனுசுடன் கீர்த்தி சுரேஷ், தம்பி ராமைய்யா, இமான் அண்ணாச்சி உள்பட பலர் நடித்து வருகின்றனர். அடுத்த ஆண்டு தொடக்கத்தில் இப்படம் வெளியாகும் என்று கூறப்படுகிறது. மேலும், அடுத்தபடியாகவும் ஒரு பிரபல நடிகருக்கான கதையை ரெடி பண்ணியுள்ள பிரபுசாலமன், கதை சொல்லி ஓகே பண்ணி விட்டதாக சொல்கிறார்கள்.

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'
• 
  மகாபாரத கதையை 2 பாகங்களாக இயக்கும் லிங்குசாமி
• 
  இன்ஸ்டா கணக்கு நீக்கம் : யுவன் விளக்கம்
• 
  விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் ...