டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
பிருத்விராஜின் கேரியர் கிராப்பை பொறுத்தவரை சி.ஆர்.டி மானிட்டரில் பார்க்கும் அலைகள் போலத்தான். ஒன்று ஏறி, ஒன்று இறங்கினாலும் மார்க்கெட் மட்டும் ஸ்டெடியாக இருக்கும்.. அப்படித்தான் இந்த வருட துவக்கத்தில் வெளியான 'பிக்கெட்-43' ஹிட்டடிக்க, அடுத்து வெளியான 'இவிடே' பிளாப் ஆனது. தொடர்ந்து போன மாதம் வெளியான 'டபுள் பேரல்' படம் வந்த சுவடும் தெரியவில்லை.. போன தடமும் தெரியவில்லை. இந்த நிலையில் கடந்த மாத இறுதியில் வெளியான 'என்னு நிண்டே மொய்தீன்' படத்தின் வெற்றி பிருத்விராஜின் வருத்தங்களை எல்லாம் துடைத்து எறிந்துவிட்டது.
நான்ஸ்டாப் ரன்னிங்கில் ஓடிக்கொண்டிருக்கும் 'என்னு நிண்டே மொய்தீன்' வசூலில் எகிடு தகிடாக தூள் கிளப்புகிறது. இந்த வருடத்தில் 'பிரேமம்' படத்தை அடுத்த பிளாக் பஸ்டர் ஹிட் இதுதான். அதுமட்டுமல்ல, இதுநாள் வரையிலான பிருத்விராஜ் படங்களில் அதிக வசூல் சாதனை படைத்திருப்பதும் இந்தப்படம் தான்.. தற்போது போட்டிக்கு தகுந்த ஆள் இல்லாததால் தனிக்காட்டு ராஜாவாக ஓடிக்கொண்டு இருக்கும் இந்தப்படத்திற்கு பிருத்விராஜின் இன்னொரு படமான 'அமர் அக்பர் ஆண்டனி' ஸ்பீடு பிரேக்கராக அமையும் என சொல்லப்படுகிறது..
காரணம் எல்லா வேலைகளும் முடிந்து ரிலீசுக்கு தயாராக இருக்கும் 'அமர் அக்பர் ஆண்டனி' படத்தை இந்த மாதம் 16 அல்லது 23ஆம் தேதி ரிலீஸ் பண்ணப்போவதாக ஒரு பேச்சு எழுந்துள்ளது.. ஒருதரப்பினர் இது மொய்தீன் பட வசூலை பாதித்துவிடும் என்று சொல்லிக்கொண்டிருக்க, இன்னொரு தரப்போ, மொய்தீன் அலையில் இந்தப்படம் அடித்துக்கொண்டு போகாமல் இருந்தால் சரி.. அதனால் அந்தப்படத்தை கொஞ்சநாள் கழித்து வெளியிடுவதுதான் நல்லது என்று கூறிவருகிறார்கள்.. பிருத்விராஜுடன் அவரது அண்ணன் இந்திரஜித், ஜெயசூர்யா மற்றும் நமீதா பிரமோத் ஆகியோர் நடித்துள்ள இந்தப்படத்தை நடிகராக இருந்து இயக்குனராக மாறியுள்ள நாதிர்ஷா இயக்கியுள்ளார்.