'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
டுவிட்டரில் தனது இருப்பை சர்ச்சைகளாலும் சண்டைகளாலும் அடிக்கடி நிரூபிக்கும் இயக்குனர் ராம் கோபால் வர்மா, டுவிட்டரில் மீண்டும் ஒரு புயலைக் கிளப்பியுள்ளார். டோலிவுட்டின் பிரபல நடிகரும் அரசியல் பிரபலமுமான பவன் கல்யாணின் ரசிகர்கள் பலத்தினை நடிகர் மகேஷ் பாபுவின் ரசிகர்களுடன் ஒப்பிட்டு இரு தரப்பினரிடையே சண்டையைத் தூண்டியுள்ளார். டுவிட்டரில் கருத்து தெரிவித்துள்ள ராம் கோபால் வர்மா பவன் கல்யாணின் டுவிட்டர் ரசிகர்கள் 6 லட்சமாகவும், மகேஷ் பாபுவின் டுவிட்டர் ரசிகர்கள் 15 லட்சமாகவும் இருப்பது ஆச்சரியம் அளிப்பதாகவும், இதனை பார்க்கும் போது பவன் கல்யாணின் ரசிகர்கள் பலர் கல்வி அறிவு அற்றவர்களா எனவும் கேள்வி எழுப்பியுள்ளார்.
பவன் கல்யாண் சில மாதங்களுக்கு முன்னரே டுவிட்டரில் இணைந்ததையும் மகேஷ் பாபு நீண்ட காலமாக டுவிட்டரைப் பயன்படுத்தி வருவதையும் தனது பதிவில் குறிப்பிட்டுள்ள ராம் கோபால் வர்மா பவன் கல்யாண் ரசிகர்களுக்கு கல்வி அறிவை வளர்க்குமாறு வேண்டுகோள் விடுத்துள்ளார். மகேஷ் பாபுவை பவன் கல்யாணை விட அதிக ரசிகர் பலம் கொண்ட நடிகர் என ராம் கோபால் கூறியுள்ளதாக பவன் கல்யாண் ரசிகர்கள் ராம் கோபால் வர்மாவிற்கு எதிராக கருத்து தெரிவித்து வருகின்றனர்.