ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
கமல்ஹாசன் விளம்பரப் படம் ஒன்றில் நடிக்கப் போவதாக கடந்த வாரம் செய்திகள் பரவியது. பிரபல ஜவுளிக் கடை நிறுவன விளம்பரம் ஒன்றில் அவர் நடிக்கப் போவதாகவும், அதற்கு சில பல கோடிகளை அவர் சம்பளமாக வாங்க உள்ளார் என்றும் அந்தச் செய்தி வைரலாகப் பரவியது. ஆனால், கமல்ஹாசன் தரப்பிலிருந்து அது பற்றி இன்னும் எதுவும் சொல்லாமலே இருக்கிறார்கள். அதே போல அவர்கள் தரப்பிலிருந்து எதுவும் சொல்லாத இன்னுமொரு தகவலும் நேற்று முதல் பரவி வருகிறது. அந்த விளம்பர வருவாயில் வரும் முழுத் தொகையையும் கமல்ஹாசன் எச்ஐவி-யால் பாதிக்கப்பட்ட குழந்தைகளுக்காக நன்கொடையாகத் தரப் போகிறார் என்ற செய்தி பரவி வருகிறது.
விளம்பரத்தில் நடிக்கப் போவதைப் பற்றியும், அந்த வருமானத்தை நன்கொடையாகத் தரப் போவதைப் பற்றியும் கமல்ஹாசன் தரப்பிலிருந்து எந்த அதிகாரப்பூர்வ அறிக்கையும் வராதவரை அவற்றைப் பற்றி உறுதியாகச் சொல்ல முடியாது. இதுவரை எந்த ஒரு விளம்பரத்திலும் நடிக்காத கமல்ஹாசன் விளம்பரப் படம் ஒன்றில் நடிக்கப் போகிறார் என்ற செய்தியே கடந்த வாரம் ஆச்சரியமாகப் பார்க்கப்பட்டது. இப்போது கமல்ஹாசன் அந்த வருமானத்தை அப்படியே எச்ஐவி குழந்தைகளின் நலனுக்காகத் தரப் போகிறார் என்றால் அதைவிட ஆச்சரியம் எதுவுமில்லை. அப்படி ஒரு விஷயம் நடக்கப் போகும் பட்சத்தில் கமல்ஹாசன் மீதான இமேஜ் இன்னும் அதிகமாகும்.
எப்படியும் இது பற்றிய உறுதியாச செய்திகள் விரைவில் வெளியிடப்படும் என்று எதிர்பார்க்கப்படுகிறது.