Dinamalar

தனுஷ் இடத்தைப் பிடிக்கிறாரா ஜி.வி.பிரகாஷ்குமார் ?

இசையமைப்பாளராக இருந்து நாயகனாக மாறியுள்ள ஜி.வி.பிரகாஷ்குமார் தன்னுடைய 'டார்லிங், த்ரிஷா இல்லனா நயன்தாரா' ஆகிய இரண்டு படங்களின் வெற்றியால் திரையுலகையே திகைக்க வைத்திருக்கிறார். பொங்கலுக்கு வெளிவந்த மற்ற படங்களைக் காட்டிலும் ஜி.வி.பிரகாஷ் நடித்து வெளிவந்த 'டார்லிங்' திரைப்படம் வினியோகஸ்தர்களுக்கும், தியேட்டர்காரர்களுக்கும் லாபமான படமாக அமைந்தது. அதற்குப் பிறகு சமீபத்தில் வெளியான 'த்ரிஷா இல்லனா நயன்தாரா' படம் அதை விட லாபமாக அமைந்து வருகிறது என்கிறார்கள். ஒரே ஆண்டில் ஒரு புதிய ஹீரோ நடித்து இரண்டு படங்கள் அனைவரையும் மகிழ்ச்சிப்படுத்தியிருப்பது சில ஹீரோக்களுக்கு ஆச்சரியத்தையும், பொறமையையும் கொடுத்திருப்பதாக கோலிவுட்டில் பேசிக் கொள்கிறார்கள்.

ஜி.வி.பிரகாஷ்குமார் நாயகன் ஆனதிலும் தனுஷின் பங்கு மறைமுகமாக இருக்கிறதென்கிறார்கள். தனுஷ் நடித்த 'பொல்லாதவன், ஆடுகளம், மயக்கம் என்ன' உள்ளிட்ட சில ஹிட் படங்களுக்கு இசையமைத்தவர்தான் ஜி.வி.பிரகாஷ்குமார். ஆனால், அவர்களிருவருக்கும் ஏற்பட்ட ஏதோ ஒரு மனக் கசப்பால்தான் ஜி.வி. தானும் நடிகனாக வேண்டும் என்று முடிவெடுத்தார் என்கிறார்கள். ஜி.வியின் நல்ல நேரம் அவர் நடித்து வெளிவந்த இரண்டு படங்களுமே வெற்றிப் படங்களின் வரிசையில் இடம் பிடித்து விட்டது. இது யாருக்கு எரிச்சலை ஏற்படுத்தியுள்ளதோ இல்லையோ கண்டிப்பாக தனுஷிற்கு எரிச்சலை ஏற்படுத்தியிருக்கும் என்கிறார்கள்.

தனுஷின் ஆரம்ப காலப் படங்களான 'துள்ளுவதோ இளமை, காதல் கொண்டேன்,' படங்களின் வரிசையில்தான் 'த்ரிஷா இல்லனா நயன்தாரா' படமும் இடம் பெற்றுள்ளது. இந்தப் படத்தைப் பார்த்தப் பலரும் தனுஷ் நடிக்க வேண்டிய ஒரு கதாபாத்திரத்தில்தான் ஜி.வி.பிரகாஷ் நடித்திருக்கிறார் என்று சொல்கிறார்கள். ஆனால், இப்போது வளர்ந்துவிட்ட நிலையில் தனுஷ் இப்படி நடிப்பாரா என்று சொல்ல முடியாது. இருந்தாலும் ஜி.வி.பிரகாஷின் மனதில் தனுஷால் அவமானப்பட்ட சம்பவம் ஒன்று மட்டும் ஆழமாகப் பதிந்துள்ளது என்பது உறுதியாகச் சொல்ல முடியும். ஜி.வி.பிரகாஷைப் பலரும் ஆரம்ப கால தனுஷை ஞாபகப்படுத்துகிறார் என்றுதான் சொல்கிறார்கள்.

தனுஷிற்கும், ஜி.விக்கும் இடையில் நடந்த அந்த சம்பவம் என்ன என்பதை யார் முதலில் சொல்கிறார்கள் என்று பார்ப்போம். என்றாவது ஒரு நாள் வெளியில் வந்துதானே ஆக வேண்டும்.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்