Dinamalar

“கன்னி மாதத்தில் நடிப்பதில்லை” - சுரேஷ்கோபி முடிவு..!

சினிமாவை பொறுத்தவரை செண்டிமெண்ட், நாள் நட்சத்திரம், ஜாதகம், ராசி என்கிற வார்த்தைகள் மிக முக்கியமானவை.. சினிமா தொழிலில் ஈடுபடுபவர்களில் 95 சதவீதம் பேருக்கு குறையாமல் இந்த விஷயங்களை இன்றளவும் கடைபிடித்து வருகின்றனர்.. ராகு காலத்தில் படம் தொடங்க கூடாது, ஆடி மாதம் புதுப்பட பூஜை போடக்கூடாது, அஷ்டமி, நவமி நாட்கள் ஆகாது என இப்படி பல சம்பிரதாயங்கள் சினிமாவில் உண்டு.. மலையாள ஆக்சன் கிங் சுரேஷ்கோபியும் இதில் தீவிர நம்பிக்கை உள்ளவர்.. அவரது படங்களை கவனித்து பார்த்தவர்களுக்கு தெரியும் அவரைவிட வேதம் சம்பந்தமான சம்ஸ்கிருத வார்த்தைகளை கொண்ட மிக நீளமான வாக்கியங்களை ஸ்ருதி சுத்தமாக சரியாக பேசக்கூடியவர் அவரை தவிர வேறு யாருமில்லை என்பது..

அப்படிப்பட்ட சுரேஷ்கோபி தான், இப்போது கன்னி மாதத்தில் தனது படப்பிடிப்பு எதிலும் கலந்துகொள்ள வேண்டாம் என்று முடிவு செய்துள்ளாராம். அதனால் ஷாஜி கைலாஷ் இயக்கத்தில் தான் நடிப்பதாக இருந்த தி ஸ்டேட்' படத்தை கன்னி மாதம் முடிந்ததும் ஆரம்பிக்கலாம் என சொல்லிவிட்டாராம். அதுமட்டுமல்ல, தனது மகன் அறிமுகமாகவிருக்கும் படத்தை கூட கன்னி மாதம் முடிந்து துவங்கி கொள்ளலாம் என சொல்லிவிட்டாராம். கன்னி மாதம் என்பது செப்-17ல் தொடங்கி அக்-17வரை நீடிக்கும்.. அதன்பின் தான் சுரேஷ்கோபி மேக்கப் போடவே வெளியே வருவார் என தெரிகிறது. தனது குடும்ப ஜோதிடரின் ஆலோசனைப்படி தான் சுரேஷ்கோபி இந்த முடிவை எடுத்துள்ளதாகவும் தெரிகிறது.

• செய்திகள்
• வந்த படங்கள்
• வரவிருக்கும் படங்கள்

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  ஏழு தோல்வி படங்களுக்குப் பிறகு ஏப்., 26ல் வெற்றியை ருசிப்பாரா திலீப் ?
• 
  சொத்து மதிப்பை வெளியிட்ட பவன் கல்யாண்
• 
  'மஞ்சும்மேல் பாய்ஸ்' ஓடிடி உரிமை எவ்வளவு தெரியுமா?
• 
  பிளாஷ்பேக்: இசையிலும் சாதனை படைத்த ராஜ்குமார்
• 
  ஹாலிவுட் பட ஆடிசனில் கலந்து கொண்ட பஹத் பாசில்