Dinamalar

எழிலின் சொந்த படத்தில் விஷ்ணு!

விஜய் நடித்த துள்ளாத மனமும் துள்ளும் மெகா ஹிட் படத்தை இயக்கியவர் எழில். அதையடுத்து அஜீத் நடித்த பூவெல்லாம் உன் வாசம், உள்பட பல படங்களை இயக்கினார். ஒரு கட்டத்தில் அவரது மார்க்கெட் சரிந்ததால் சிவகார்த்திகேயன் நடித்த மனம் கொத்திப்பறவையில் ரீ-என்ட்ரியான எழில், பின்னர் விமலை வைத்து தேசிங்குராஜா, விக்ரம்பிரபு நடிப்பில் வெள்ளக்கார துரை ஆகிய படங்களை இயக்கி மீடியம் ஹிட் படங்களாக கொடுத்தார்.

இந்த நிலையில், தனது மனம் கொத்திப்பறவை படத்தில் நடித்த சிவகார்த்திகேயனின் மார்க்கெட் தற்போது திருப்தியாக இருப்பதால் அவரை வைத்து படம் இயக்க ஆசைப்படுகிறாராம் எழில். ஆனால் மேடைகளில் தான் நடித்ததில் பிடித்த படங்களை குறிப்பிடும் சிவகார்த்திகேயன், எழிலின் மனம் கொத்திப்பறவை படத்தை மட்டும் குறிப்பிடுவதே இல்லையாம். அதன்காரணமாக தனது படத்தை பிடித்த பட பட்டியலிலேயே வைத்திராத சிவகார்த்திகேயனிடம் எப்படி மறுபடியும் கால்சீட் கேட்பது என்று தயங்கி நிற்கும் எழில், தான் அடுத்து இயக்கும் படத்தில் நடிக்க விஷ்ணுவை புக் பண்ணியிருக்கிறாராம்.

அதோடு, அந்த படத்தில் நடிப்பதற்கு தற்போது மார்க்கெட்டில் இருக்கும் சில நடிகைகளிடம் கால்சீட் கேட்டு வரும் எழில், அந்த படத்தையும் கிராமத்து காதல் மற்றும் காமெடி கதையிலேயே இயக்குகிறாராம். மேலும், அப்படத்தை எழில் சொந்த பேனரிலேயே தயாரித்து இயக்குவதாகவும் செய்திகள் வெளியாகியுள்ளன. தற்போது அப்படத்திற்கான கம்போஸிங் வேலைகள் நடந்து கொண்டிருக்கிறது. கோழிக்கூவுது உள்ளிட்ட சில படங்களுக்கு இசையமைத்த ராம்ராஜ் இந்த படத்துக்கு இசையமைக்கிறார்.

• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்
• வரவிருக்கும் படங்கள்
• டுவிட்டர்

• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்
• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்

• 
  ‛கில்லி' ரீ-ரிலீஸ் : த்ரிஷா நெகிழ்ச்சி
• 
  சந்தானத்தின் இங்க நான் தான் கிங்கு படம் மே 10 ல் ரிலீஸ்
• 
  பைக் டாக்சி ஓட்டுனராக நடிக்கும் நக்ஷா சரண்
• 
  எழுத்தாளராக நடிக்கும் வெற்றி
• 
  ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி