டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
'சாமி சரணம்' என சொல்லிக்கொண்டே 'தூள்' படத்தில் எதிரிகளை அடித்து வெளுக்கும் போலீஸ் அதிகாரியாக தமிழ் ரசிகர்களின் மனதில் நுழைந்தவர் மலையாள நடிகர் மனோஜ் கே.ஜெயன். ஆனால் தமிழ் சினிமாவில் இவரது வரவு அதற்கும் பல வருடங்களுக்கு முன்னரே, அதாவது 'தளபதி' படத்திலேயே நிகழ்ந்துவிட்டது. அதில் வில்லன் அம்ரிஷ் பூரியின் மகனாக நடித்தவர் சாட்சாத் மனோஜ் கே.ஜெயன் தான். இவருக்கும் மோகன்லாலுக்கும் இடையேயான நட்பு சக நடிகர்கள் என்பதையும் தாண்டி கடவுள் - பக்தன் என்கிற அளவிலானது என்று சொன்னால் அது மிகையில்லை..
அதற்கு காரணமாக ஒரு சம்பவத்தை குறிப்பிடுகிறார் மனோஜ் கே.ஜெயன். 15 வருடங்களுக்கு முன் 'பிரஜா' என்கிற படத்தில் மோகன்லாலுடன் இணைந்து நடித்தார் மனோஜ் கே.ஜெயன். அப்போது மோகன்லால் எர்ணாகுளம் தாஜ் ஹோட்டலில் தங்கி இருந்தார். மனோஜ் வீட்டில் இருந்து படப்பிடிப்பில் கலந்துகொள்வார். அப்போது அவரது வீட்டிற்கு வந்த மனோஜின் நண்பர்கள் இருவர், மோகன்லாலை பார்த்து சில நிமிடங்கள் அவருடன் பேச விரும்பும் தங்களது ஆசையை மனோஜிடம் வெளிப்படுத்தினார்கள்.. நண்பர்கள் கேட்டதால் தட்டமுடியாமல் அரைமனதாக அவர்களை அழைத்துக்கொண்டு ஹோட்டலுக்கு சென்றாராம் மனோஜ்.
ஆனால் ஹோட்டலுக்குள் நுழைந்ததுமே அங்கிருந்த ஹால் ஒன்றில் சிலருடன் முக்கியமான மீட்டிங்கில் இருந்த மோகன்லால் மனோஜ் கே.ஜெயனை பார்த்து, பேச்சை பாதியில் நிறுத்திவிட்டு எழுந்து வந்து வரவேற்றாராம். உடன் வந்த நண்பர்களை அறிமுகப்படுத்த, அவர்களையும் வரவேற்று அவர்களுக்கு உணவு வரவழைத்து அவர்களுடன் நீண்ட நேரம் பேசி அனுப்பி வைத்தாராம். மோகன்லாலின் எளிமை கண்டு அசந்துபோன அன்றிலிருந்து நண்பர்களுக்கு மட்டுமல்ல மனோஜ் கே.ஜெயனுக்கும் மோகன்லால் ரியல் ஹீரோவாகி போனாராம்.
விஷயம் என்னவென்றால் இதற்குமுன் இப்படி ஒரு எளிமையான அணுகுமுறையை 'தளபதி' படத்தில் நடிக்கும் சமயத்தில் நம் சூப்பர்ஸ்டார் ரஜினியிடம் மட்டுமே கண்டிருக்கிறாராம் மனோஜ் கே.ஜெயன் அதனால் தான் “எளிமையாக இருப்பதில் மோகன்லால் இன்னொரு ரஜினி” என இருவருக்குமே புகழாரம் சூட்டியுள்ளார் மனோஜ் கே.ஜெயன்.