தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
கெளதம்மேனன் இயக்கிய காக்கா காக்க படத்தில் வில்லனாக அறிமுகமானவர் ஜீவன். அதையடுத்து சுசிகணேசன் இயக்கிய திருட்டுப்பயலே படத்தில் ஹீரோவான அவர், நான் அவனில்லை. மச்சக்காரன், தோட்டா, நான் அவனில்லை-2 என பல படங்களில் நடித்தார். பின்னர் கவிதாலயா தயாரிப்பில் அவர் நடித்த கிருஷ்ணலீலை படம் வெளிவர முடியாமல் சிக்கிக்கொண்டது. விளைவு, அந்த படத்தோடு ஜீவனின் மார்க்கெட்டும் சரிந்தது.
அதனால் சில வருடங்களாக படவாய்ப்புகள் இல்லால் சினிமாவை விட்டு விலகியிருந்த அவர் அதிபர் படம் மூலம் ரீ-என்ட்ரி கொடுத்துள்ளார். அப்படி அவர் நடித்த அந்த படம் வெற்றியை கொடுக்கவில்லை. இருப்பினும் சக்தி சிதம்பரம் இயக்கத்தில் நடித்து வரும் ஜெயிக்கிற குதிரை படத்தின் மீது நம்பிக்கை வைத்து இப்போது நடித்துக்கொண்டிருக்கிறார் ஜீவன்.
இதற்கிடையே மேலும் சில இயக்குனர்களும் அவரிடம் கதை சொல்லி வரும் நிலையில், ஏற்கனவே ஜீவன் நடித்து கிடப்பில் கிடந்த பயணிகள் கவனத்திற்கு என்ற படத்தை இப்போது தூசு தட்டுகிறார்கள். இதுவும் அவர் நடித்து சூப்பர் ஹிட்டான நான் அவனில்லை பாணி கதைதானாம். அதனால் இந்த படத்தில் நடிப்பதில் அதிக ஆர்வமாக இருக்கும் ஜீவன், பாசிட்டீவை விட நெகடீவ் கலந்த ஹீரோ கதைகளில் நடிக்க தனக்கு அதிக விருப்பம் உள்ளதாகவும் இயக்குனர் களிடம் கூறி வருகிறார்.