Dinamalar

2 படங்களில் ஹீரோவாக நடிக்கும் ராட்டினம் டைரக்டர் கே.எஸ்.தங்கசாமி!

ராட்டினம், எட்டுத்திக்கும் மதயானை ஆகிய படங்களை இயக்கியவர் கே.எஸ்.தங்கசாமி. இதில் ராட்டினம் படம் சூப்பர் ஹிட்டானது. அந்த படத்தில் லகுபரன்-சுவாதி நடித்திருந்தனர். அதற்கடுத்து ஆர்யா தம்பி சத்யாவை வைத்து எட்டுத்திக்கும் மதயானை படத்தை இயக்கிய கே.எஸ்.தங்கசாமி அந்த படத்தின் லீடு ரோலில் நடித்திருந்தார். இந்த நிலையில், அடுத்தபடியாக இரண்டு படங்களில் அவர் நாயகனாக கமிட்டாகியிருக்கிறார். அதற்கான வேலைகள் தற்போது துரிதமாக நடந்து கொண்டிருக்கிறது.

இதுபற்றி டைரக்டர் கே.எஸ்.தங்கசாமி கூறுகையில், சினிமாவில் நடிகராக வேண்டும் என்றுதான் நான் வந்தேன். ஆனால் எதிர்பாராத வகையில் டைரக்டராகி விட்டேன். ராட்டினம் படம் எனக்கு நல்லதொரு அடையாளத்தையும் கொடுத்தது. ஆனால் எனக்குள் ஒரு நடிகன் இருந்து வெளியே வர துடித்துக்கொண்டிருந்த தால், எட்டுத்திக்கும் மதயானை படத்தில் லீடு ரோலில் நானே நடித்தேன். அந்த படம் என்னால் வெயிட்டான வேடத்தில் நடிக்க முடியும் என்கிற நம்பிக்கை ஏற்படுத்திக்கொடுத்தது.

அதன்காரணமாகத்தான், தற்போது இரண்டு படங்களில் நாயகனாக நடிக்க கமிட்டாகியிருக்கிறேன். ஒரு படத்தை பாசில் அசோசியேட் பன்னீர் இயக்குகிறார். இன்னும் பெயர் வைக்கவில்லை. இன்னொரு படத்திற்கு நங்கூரம் என்று பெயர் வைக்கப்பட்டிருக்கிறது. இந்த படத்தை மார்கழி -16 படத்தை இயக்கிய ஸ்டீபன் இயக்குகிறார். இப்படத்தில் ஏ.வெங்கடேஷ் உள்பட பல முன்னணி டைரக்டர்களும் நடிக்கிறார்கள். மேலும், படத்துக்குப்படம் ஹீரோவாகத்தான் நடிப்பேன் என்ற நோக்கமெல்லாம் என்னிடமில்லை. டைரக்டர் சமுத்திரகனி நடிப்பது போன்று வெயிட்டான கேரக்டர்களிலும் தொடர்ந்து நடிப்பேன் என்கிறார் கே.எஸ்.தங்கசாமி.

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'
• 
  மகாபாரத கதையை 2 பாகங்களாக இயக்கும் லிங்குசாமி
• 
  இன்ஸ்டா கணக்கு நீக்கம் : யுவன் விளக்கம்
• 
  விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் ...