Dinamalar

அயர்ன்மேன் ஆகத்துடிக்கும் ஆர்யா

சில வருடங்களுக்கு முன் கார் ரேஸில் கலந்து கொள்வதில் அஜித்குமார் அதீத ஆர்வம் காட்டி வந்தார். அதனால் அவர் நடித்த படங்கள் தாமதமானதோடு அதனால் அஜித்தை வைத்து படம் எடுத்தவர்களுக்கு சிக்கல் ஏற்பட்டது. இதன் காரணமாகவோ என்னவோ, பிறகு கார் ரேஸ் ஆசையை மூட்டைகட்டி வைத்துவிட்டு நடிப்பில் கவனம் செலுத்த ஆரம்பித்தார் அஜித். அன்றைக்கு கார் ரேஸில் அஜித் காட்டிய ஆர்வத்தைப்போலவே இப்போது சைக்கிள் ஓட்டுவதில் ஆர்வம் காட்டி வருகிறார் ஆர்யா.

கடந்த சில வருடங்களாக படப்பிடிப்பு தளத்துக்கே சைக்கிளில் வரும் அளவுக்கு சைக்கிள் ஓட்டுவதில் செம ஆர்வமாக உள்ள ஆர்யா, சமீபத்தில், ஸ்வீடன் நாட்டில் நடந்த சைக்கிள் பந்தயம் ஒன்றில் 300 கி.மீ. தூரத்தைக் கடந்து பரிசை வென்று திரும்பினார். அதுவே மிகப்பெரிய சாதனையாக ஆர்யா தரப்பில் சொல்லப்பட்டது.

இந்நிலையில், 'அயர்ன்மேன் டிரைலத்தான்' என்ற கடுமையான போட்டியில் விரைவில் கலந்து கொள்ள திட்மிட்டு பயிற்சி செய்து வருகிறார்ஆர்யா. இந்தப்போட்டியில் வெற்றி பெற்றால், அயர்ன்மேன் அதாவது இரும்பு மனிதன் என்ற பட்டத்தை வெல்ல முடியும். இந்த பட்டத்தை பெற்றே தீர வேண்டும் என்ற வெறியில் பயிற்சி மேற்கொண்டிருக்கிறார் ஆர்யா. சுவிட்சர்லாந்தில் ஒவ்வொரு வருடமும் நடைபெறும் போட்டி இது. இந்த 'அயர்ன்மேன் டிரைலத்தான்' போட்டியில் கலந்துகொள்ளும் வீரர்கள், 3.8 கி.மீ. தூரம் நீச்சலடித்து சென்றுவிட்டு, பிறகு 180.2 கி.மீ. தூரம் சைக்கிளில் செல்ல வேண்டும். அதன்பிறகு 42.2 கி.மீ. தூரம் ஓடி போட்டியை நிறைவு செய்ய வேண்டும். மிக மிக.. கடினமான இந்தப் போட்டிக்காகத்தான் தற்போது கடுமையான பயிற்சிகளில் ஈடுபட்டு வருகிறார் ஆர்யா. பச்சைக்கிளி முத்துச்சரம் பட வில்லன் வேடத்தில் நடித்த பாலிவுட் நடிகர் மிலிந்த் சோமன் இந்த 'அயர்ன்மேன் டிரைலத்தான்' போட்டியில் கலந்து கொண்டதோடு 'இரும்பு மனிதன்' பட்டத்தையும் வென்றுள்ளாராம்.

• செய்திகள்
• ஆல்பம்
• வால் பேப்பர்கள்
• வந்த படங்கள்

• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்
• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்

• 
  பைக் டாக்சி ஓட்டுனராக நடிக்கும் நக்ஷா சரண்
• 
  எழுத்தாளராக நடிக்கும் வெற்றி
• 
  ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி
• 
  அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : ...
• 
  பிளாஷ்பேக்: நடிகையை திருமணம் செய்த முதல் இயக்குனர்