ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
2015ம் ஆண்டு ஆரம்பமானதிலிருந்து ஒவ்வொரு பெரிய படங்களும் சரியான இடைவெளியில் வந்து வெற்றியையும், ஓரளவிற்கு வெற்றியையும் பெற்று வருகின்றன. சரியான திட்டமிடல், விளம்பரம், தியேட்டர்களைப் பிடிப்பது என முடிந்தவரை நஷ்டத்தைக் குறைக்கவும், தோல்வியைத் தவிர்க்கவும் பெரிய தயாரிப்பாளர்கள் முயற்சி எடுத்து வருகிறார்கள். ஆனால், சிறிய படங்கள் மட்டுமே ஒன்றுக்கொன்று போட்டி போட்டு தானும் கெடுத்து அடுத்தவர்களையும் கெடுத்து வருகிறார்கள். இந்த எட்டு மாதங்களில் ஒரே நாளில் வெளிவந்த சிறிய படங்களை மட்டுமே அதிகமாகப் பார்க்க முடியும். சிறிய தயாரிப்பாளர்கள் இன்னும் தவித்துக் கொண்டுதானிருக்கிறார்கள்.
நாளை ஆரம்பமாக உள்ள செப்டம்பர் மாதத்தில் பல முக்கிய படங்களும் சிறிய படங்களும் வெளிவர உள்ளதால் அந்த மாதம் கடும் போட்டிகள் நிறைந்த மாதமாக மாற உள்ளது. செப்டம்பர் 4ம் தேதி “பாயும் புலி, சவாலே சமாளி, போக்கிரி மன்னன், 9 திருடர்கள், பானு” ஆகிய படங்கள் வெளிவர உள்ளன. செப்டம்பர் 11ம் தேதி “யட்சன், ஸ்ட்ராபெர்ரி, மாங்கா, சிக்கிக்கு சிக்கிக்கிச்சு, ஜவ்வு மிட்டாய்” ஆகிய படங்கள் வெளியாக உள்ளன. செப்டம்பர் 17ம் தேதி “ரஜினி முருகன், மாயா, த்ரிஷா இல்லனா நயன்தாரா, 49 ஓ, உனக்கென்ன வேணும் சொல்லு,” ஆகிய படங்களும் வர உள்ளன. செப்டம்பர் 25ம் தேதி 'குற்றம் கடிதல்' படம் வெளிவரும் என எதிர்பார்க்கப்படுகிறது. இந்தப் படங்கள் தவிர செப்டம்பர் மாதத்தில் 'அஞ்சுக்கு ஒண்ணு, நானாக நானில்லை, நாளை முதல் குடிக்க மாட்டேன்,' ஆகிய படங்களும் வெளிவருவதாக அறிவிக்கப்பட்டுள்ளது.
ஆக, மொத்தமாக செப்டம்பர் மாதத்தில் 20 படங்களுக்கும் மேல் வெளிவர வாய்ப்புள்ளது. அக்டோபர் 1ம் தேதி 'புலி' படம் வெளிவர உள்ளதால் அதற்கு முன்பாகவே படங்களை வெளியிட சிறிய தயாரிப்பாளர்கள் முடிவு செய்துள்ளனர்.