டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
ஷங்கரின் இயக்கத்தில், ரஜினி நடிப்பில் விரைவில் உருவாக உள்ள எந்திரன் 2 படத்தில், வில்லன் கேரக்டரில், ஹாலிவுட் நடிகர் அர்னால்ட் ஸ்வோர்ஷனோகர் நடிக்க இருப்பதாக தகவல்கள் வெளியாகியுள்ளன.
நடிகர் ரஜினிகாந்த், தற்போது பா.ரஞ்சித் இயக்கத்தில், கபாலி படத்தில் நடிக்க உள்ளார். இந்த படத்திற்கு பிறகு, ஷங்கரின் இயக்கத்திலான "எந்திரன் -2" படத்தில் நடிக்க உள்ளார். இந்த படத்தில் ஹீரோயின் கேரக்டரில் காத்ரீனா கைப்பும் நடிக்க உள்ளது ஏறக்குறைய உறுதியாகியுள்ளது.
எந்திரன் 2 படத்தில், முதலில் அஜித் நடிப்பதாக இருந்தது, பின், அஜித் அதிலிருந்து பின்வாங்கியதன் காரணத்தினால், ரஜினியே, அடுத்த பாகத்திலும் நடிப்பார் என்று அறிவிக்கப்பட்டது.
எந்திரன் 2 படம், தமிழ், ஹிந்தி் உள்ளிட்ட மொழிகளில் வெளியாக உள்ளதால், வில்லன் கேரக்டரில் அமீர் கானை நடிக்க வைக்க படக்குழு திட்டமிட்டனர். கால்ஷீட் பிரச்னை ஏற்பட்டதால், அக்கேரக்டரில் நடிக்க அமீர் கானால் முடியவில்லை. பின் விக்ரமை படக்குழுவினர் அணுகினர். ( ஐ படத்திற்காக, 3 ஆண்டுகள் எப்படத்திலும் நடிக்காமல், முழுவதுமே விக்ரம் அர்ப்பணிந்திருந்தது குறிப்பிடத்தக்கது). பின் அம்முடிவும் கைவிடப்பட்டது.
இதனிடையே, எந்திரன் 2 படத்தில், வில்லன் கேரக்டரில், ஹாலிவுட் நடிகர் அர்னால்ட் ஸ்வோர்ஷனோகர் நடிக்க இருப்பதாக தகவல் வெளியாகியுள்ளது.
ஐ படத்தின் இசை வெளியீட்டு விழாவில், சிறப்பு விருந்தினராக ஹாலிவுட் நடிகர் அர்னால்ட் ஸ்வோர்ஷனோகர் கலந்துகொண்டிருந்தார். அப்போது அர்னால்ட், இயக்குநர் ஷங்கரின் இயக்கத்தில் நடிக்க ஆவலாக இருப்பதாகவும், அது விரைவில் நிறைவேறும் என்று எதிர்பார்ப்பதாக தெரிவித்திருந்தது குறிப்பிடத்தக்கது.
எந்திரன் 2 படத்தில் வில்லன் கேரக்டரில் நடிப்பதன் மூலம் அர்னால்டின் கனவு நிறைவேறுமா அல்லது வேறு யாராவது நடிக்க இருக்கிறார்களா என்பதன் பதில் ஷங்கரின் கையிலேயே உள்ளது.