'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
சூர்யா நடித்த படங்களிலேயே மிகப்பெரிய அளவில் எதிர்பார்க்கப்பட்ட படம் மட்டுமல்ல மாபெரும் தோல்வியடைந்த படமும் அஞ்சான் படம்தான்.
அதுமட்டுமல்ல சமூகவலைத்தளங்களில் அதிகமாக கேலியும் கிண்டலும் செய்யப்பட்ட படமும் அஞ்சான்தான்.
2014ல் வெளிவந்த அப்படத்தைத் தயாரித்து இயக்கிய லிங்குசாமிக்கு ஒரு தயாரிப்பாளராகவும் இயக்குநராகவும் பின்னடைவை ஏற்படுத்திய படமும் அஞ்சான் படம்தான் என்று திரையுலகில் இன்றளவும் சொல்லப்படுகிறது. இத்தனை மைனஸ்பாயிண்ட்களைக் கொண்டுள்ள சூர்யாவின் அஞ்சான் திரைப்படம், காலங்கடந்த அதாவது 2015 ல் சத்தமில்லாமல் ஒரு சாதனையை படைத்திருக்கிறது. அதாவது அஞ்சான் படத்துக்காக, யுவன் ஷங்கர் ராஜாவின் இசையில், சூர்யா பாடிய ஏக் தோ தீன்... பாடல் வீடியோ யு டியூப்பில் 1 கோடி முறை பார்க்கப்பட்டுள்ளது. இது சந்தேகமில்லாமல் புதிய சாதனைதான். சூர்யா பாடிய முதல் பாடலே இதுதான். தமிழ் சினிமா பாடல் வீடியோக்களைப் பொறுத்தவரை 1 கோடியே 50 லட்சத்திற்கும் மேற்பட்ட முறை பார்க்கப்பட்டு முதல் இடத்தில் இருப்பது, 3 படத்தில் இடம்பெற்ற ஒய் திஸ் கொலவெறி... வீடியோ பாடல்தான். அனிருத்தின் இசையில் தனுஷ் பாடிய இந்தப்பாடலுக்கு அடுத்து இரண்டாம் இடத்தைஅஞ்சானின் ஏக் தோ தீன்... பாடல் வீடியோ பிடித்திருக்கிறது.
தங்களின் அபிமான ஹீரோ பாடிய முதல் பாடலே சாதனை படைத்துள்ளதைக் கொண்டாடும்வகையில் இந்த விஷயத்தை ட்விட்டரில் சந்தோஷமாக பகிர்ந்து வருகின்றனர் சூர்யாவின் ரசிகர்கள்.