இரண்டு பாகங்களாக வட சென்னை

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

27 ஆக, 2015 - 09:43 IST

எழுத்தின் அளவு:

Dhanushs--Vadachennai-movie-makes-in-2-parts

யாராவது ஒருவர் புதிய முயற்சி செய்தால் அதை பின்பற்றி பலரும் அதையே செய்வார்கள். எஸ்.எஸ்.ராஜமௌலி பாகுபலி படத்தை இரண்டு பாகங்களாக எடுக்கத் திட்டமிட்டு, அதன் முதல் பாகத்தை முடித்து வெளியிட்டார். அப்படம் 50 ஆவது நாளை எட்டவிருக்கிறது. தென்னிந்தியாவின் அதிக வசூல் குவித்த படம் என்ற பெருமையையும் பாகுபலி படம் தட்டிச் சென்றிருக்கிறது. பிரம்மாண்டமாக உருவான இப்படத்தின் முதல் பாகத்தின் வெற்றியை தொடர்ந்து, 2016ல் பாகுபலி படத்தின் 2ம் பாகம் வெளிவரும் என அறிவிக்கப்பட்டுள்ளது. இதேபோன்று தனுஷ் நடிக்கவிருக்கும் வடசென்னை படத்தையும் இரண்டு பாகங்களாக எடுக்கவிருக்கிறார்கள்.

வெற்றிமாறன் இயக்கத்தில் உருவாகவிருக்கும் இப்படத்திற்காக 250 நாட்களுக்கும் மேல் தனுஷ் கால்ஷீட் கொடுத்திருக்கிறார்.

இப்படத்தை தனுஷே தயாரிக்கிறார். வேல்ராஜ் இயக்கத்தில் விஐபி-2 படத்தில் நடித்து முடித்துவிட்ட தனுஷ் தற்போது, பிரபுசாலமன் இயக்கத்தில் ஒரு படத்தில் நடித்துக் கொண்டிருக்கிறார். இந்த இரண்டு படங்களை முடித்துவிட்டு காக்கி சட்டை பட இயக்குநர் ஆர்.எஸ்.துரை செந்தில்குமார் இயக்கத்தில் புதிய படமொன்றில் நடிக்கவிருக்கிறார் தனுஷ். இந்த படங்களை எல்லாம் முடித்து கொடுத்துவிட்டு 2016 ல் வடசென்னை படத்தின் படப்பிடிப்பில் முழுமையாக கவனம் செலுத்த இருக்கிறார்.

என்னத்துக்கு இரண்டாம் பாகம்? வட சென்னை படத்தின் திரைக்கதையின்படி அதை ஒரு படமாக எடுக்க முடியாதாம். எனவேதான் இரண்டு பாகங்களாக எடுக்கத் திட்டமிட்டிருக்கிறார்கள். இப்படத்தில் தனுஷுக்கு ஜோடியாக நடிக்கவிருக்கிறார் சமந்தா.

Dhanush

Vadachennai

Vetrimaaran

தனுஷ்

வடசென்னை

வெற்றிமாறன்

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய