மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' | மகள் திருமணத்தில் பிசியான ஷங்கர் | மீண்டும் வெளியாகிறது 'அஞ்சான்' | விடுதலைபுலி இயக்கத்தின் அடுத்தகட்ட தலைவர்கள் பற்றிய படம் | பிளாஷ்பேக்: நம்பியாருக்கு பொருத்தமான ஜோடியாக வலம் வந்த டி.கே.சரஸ்வதி |
சிம்பு நடித்த மன்மதன், வல்லவன், வானம் என சில படங்களுக்கு இசையமைத்தவர் யுவன் ஷங்கர் ராஜா. இதில் மன்மதன் படத்தில் யுவனின் பாடல்கள் சூப்பர் ஹிட்டானது. அதனால் அடுத்தடுத்து தனது படங்களுக்கு அவரையே இசையமைக்க வைத்தார் சிம்பு. ஆனால், இது நம்ம ஆளு படத்துக்கு தனது தம்பி குறளரசனை இசையமைப்பாளராக அறிமுகம் செய்தார். அதனால் அடுத்தபடியாக தான் நடிக்கும் படங்களுக்கு குறளரசனுக்குத்தான் அவர் சிபாரிசு செய்வார் என்று எதிர்பார்க்கப்பட்டது. ஆனபோதும், குறளரசன் இசையமைத்த முதல்படமே இன்னும் வெளிவரமுடியாமல் தாமதமாகிக் கொண்டிருப்பதோடு, தனது மார்க்கெட் இன்னமும் சூடுபிடிக்காத நிலையில், மார்க்கெட்டில் பிசியாக இருக்கும் இசையமைப்பாளர்களுடன் தற்போதைக்கு கூட்டணி அமைப்பதுதான் தனக்கு நல்லது என்று நினைக்கும் சிம்பு, தம்பி பெயரை இப்போதைக்கு முன்வைக்கவில்லை.
மேலும், இப்போது செல்வராகவன் இயக்கத்தில் சிம்பு நடிக்கும் கான் படத்திற்கு மட்டுமே யுவன் இசையமைக்கிறார். மற்றபடி அச்சம் என்பது மடமையடா படத்துக்கு ஏ.ஆர். ரகுமான் இசையமைக்க, மெர்சல் மற்றும் வேட்டை மன்னன் படங்களுக்கு அனிருத் இசையமைக்கிறார். சமீபகாலமாக அனிருத்தின் இசைக்கு இளவட்ட ரசிகர்கள் மத்தியில் நல்ல வரவேற்பு இருப்பதால், அவர் தனது படத்தின் வெற்றிக்கு பெரிய பலமாக இருப்பார் என்று நினைக்கும் சிம்பு, அவரிடம் தனுஷ், சிவகார்த்திகேயன் படங்களுக்கு கொடுப்பது போன்று சூப்பர் ஹிட் பாடல்களை எனது படங்களுக்கும் கொடுக்க வேண்டும் என்று கேட்டுக்கொண்டுள்ளாராம். ஆக, சிம்பு எதிர்பார்ப்பது போன்று ஹிட் பாடல்களை அனிருத் கொடுத்து விட்டால், அதன்பிறகு அவரே சிம்புவின் ஆஸ்தான இசையமைப்பாளராகி விடுவார் என்று தெரிகிறது.