மஞ்சும்மேல் பாய்ஸ் தயாரிப்பாளர்களின் மீது வழக்கு பதிவு | ரஜினியை சந்தித்து ஆசி பெற்ற சாய் தன்ஷிகா பட ஹீரோ | ஜோதிகா, சமந்தா, ஐஸ்வர்யா ராஜேஷ் நடிக்க தயங்கிய கேரக்டரில் ஆண்ட்ரியா : கோபி நயினார் | ஹீரோயின் ஆன சஞ்சனா சிங் | நட்சத்திர ஓட்டலில் திருமணநாளை கொண்டாடிய அஜித் - ஷாலினி ஜோடி | சிவாஜியின் மகன் சாம்பாஜி வாழ்க்கை சினிமா ஆகிறது | மூத்த நடிகர்களை களமிறக்கும் ஆடுகளம் சீரியல் | டப்பிங் யூனியனில் ரூ.60 ஆயிரம் கட்டினேன் : வருத்தத்தில் ரேவதி பாட்டி | புதுவீட்டில் பிறந்தநாள் கொண்டாடிய ரச்சிதா | 12,000 பேர் பங்கேற்ற ஆடிஷன் : பட்டய கிளப்ப வருது ‛சரி க ம ப' சீசன் 4 |
3 ப்ரண்ட்ஸ் இண்டர்நேசனல் சார்பில் திவாகர் தயாரித்துள்ள படம் ஜிப்பா ஜிமிக்கி. ரா.ராஜசேகர் என்பவர் கதை திரைக்கதை வசனம் எழுதி இயக்கியுள்ள இந்த படத்தில் கிரிஷ் திவாகர், குஷ்பு பிரசாத், நான்கடவுள் ராஜேந்திரன், ஆடுகளம் நரேன், இளவரசு உள்பட பலர் நடித்துள்ளனர். மோகன்ராஜ் பாடல்கள் எழுதியுள்ள இப்படத்துக்கு ரனிப் இசையமைத்துள்ளார். இப்படத்தின் பிரஸ்மீட் நேற்று மாலை சென்னையில் நடைபெற்றது.
அப்போது படம் குறித்து இயக்குனர் ரா.ராஜசேகர் கூறும்போது, இந்த படத்தின் தயாரிப்பாளர் கர்நாடகத்தை சேர்ந்தவர். அங்கு சில படங்களை ஏற்கனவே தயாரித்துள்ளார். ஆனபோதும், தனது மகன் கிரிஷை தமிழில்தான் அறிமுகம் செய்ய வேண்டும் என்று தமிழ் படமெடுத்துள்ளார். இதில் கிரிஷ்க்கு ஜோடியாக குஷ்பு என்றொரு பெங்காளி நடிகையை அறிமுகம் செய்திருக்கிறோம். அவருக்கு சுத்தமாக தமிழை தெரியாது என்றபோதும், காட்சிகளுக்கேற்ப நல்ல பர்பாமென்ஸ் கொடுத்துள்ளார். இவரை பிரபலப்படுத்த வேண்டும் என்பதற்காக குஷ்பு என்று பெயர் வைக்கவில்லை. இவரது நிஜ பெயரே குஷ்புதான்.
மேலும், இந்த படம் முழுக்க முழுக்க கர்நாடகத்தில்தான் படமாக்கப்பட்டுள்ளது. வழக்கமான காதல்தான் என்றாலும் அதை புதுமையான முறையில் படமாக்கியிருக்கிறேன். மேலும், சின்ன வயதிலேயே பெற்றோரால் திருமண ஒப்பந்தம் போடப்பட்ட ஒரு பையனும் -பெண்ணும், எப்படியேனும் பிரிந்து விட வேண்டும் என்பதற்காகவே இணைகிறார்கள். ஆனால் பின்னர் அவர்களால் பிரியமுடியாதநிலை ஏற்பட்டு விடுகிறது. இதை சுவராஸ்யமாக, நல்ல லவ் பீலுடன் கதை பண்ணியிருக்கிறேன்.
மேலும், படத்தின் டைட்டீல் கேட்சிங்காக இருக்க வேண்டும் என்பதற்காக, ஆண்கள் அணியும் ஜிப்பா, பெண்கள் காதில் அணியும் ஜிமிக்கி இரண்டையும் இணைத்து ஜிப்பா ஜிமிக்கி என்று பெயர் வைத்திருக்கிறேன். இந்த படத்திற்கு என்னைவிட கேமராமேன் சரவண நடராஜன், இசையமைப்பாளர் ரனிப், பாடலாசிரியர் மோகன்ராஜ் ஆகியோர் கடினமாக உழைத்திருக்கிறார்கள். இப்படி பலரது கூட்டு முயற்சியினால் ஜிப்பா ஜிமிக்கு படம் சிறப்பாக வந்திருக்கிறது என்றார்.