டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
'வாலு' திரைப்படத்தின் வெளியீடு ஒருவழியாக இன்று வௌியாகி உள்ளது. இந்தப் படம் வெளிவருவதற்குள் ஏற்படுத்தப்பட்ட பரபரப்புகள் படத்தின் விளம்பரத்திற்காகவோ என்றும் ஒரு சாரார் கருதுகின்றனர். சுமார் 3 வருடங்கள் கழித்து சிம்பு நடிக்கும் ஒரு படம், அதுவும் 3 வருடத்திற்கு முன்பு ஆரம்பிக்கப்பட்ட ஒரு பழைய படம் வருவதை எப்படி பரபரப்பில்லாமல் வெளியிடுவது.
மூன்று மாதங்களில் எடுத்து முடிக்கப்பட்ட ஒரு படத்தை மூன்று நாட்கள் ஓட வைப்பதே இப்போது மிகவும் சிரமமான விஷயமாக இருக்கும் போது, மூன்று வருடங்களாக எடுத்த படத்தை எப்படி ரசிகர்களிடம் கொண்டு போய் சேர்ப்பது. அதற்கேற்றபடி தயாரிப்பாளரின் நிதிச் சுமை ஒரு பக்கம், சிம்பு படத்தை முடித்துக் கொடுக்க ஏற்படுத்திய கால நீட்டிப்பு இப்படி எல்லாமும் சேர்ந்து 'வாலு' படத்தை இன்றாவது கொண்டு வந்து சேர்த்ததே என்று சிலர் நிம்மதிப் பெருமூச்சு விடுகிறார்கள்.
வேறொரு தயாரிப்பாளர் படத்தில் சிம்பு நடித்த படத்தை வெளியிட இவ்வளவு தாமதம் ஏற்பட்ட நிலையில் டி.ஆர் குடும்பத்தின் சொந்தத் தயாரிப்பான 'இது நம்ம ஆளு' அடுத்து எப்போது வரும் என்று சிலர் கவலைப்பட ஆரம்பித்துள்ளனர். மற்றொரு தயாரிப்பாளர் படத்திற்குத்தான் சிக்கல்கள் அதிகம். ஆனால், தங்களது சொந்தப் படத்தையே இன்னும் முடித்து வெளியிடாமல் டிஆரும், சிம்புவும் இழுத்துக் கொண்டிருக்கிறார்களே, அந்தப் படத்தின் வெளியீட்டுத் தாமதத்திற்கு யார் மீது குற்றம் சொல்லப் போகிறார்கள் என கோலிவுட்டிலேயே சிலர் கேட்கிறார்கள். 'இது நம்ம ஆளு' படம் 2013ம் ஆண்டிலேயே ஆரம்பிக்கப்பட்டது. இன்னமும் சில பாடல் காட்சிகள் எடுக்கப்பட வேண்டியுள்ளதாம். அடுத்து இந்தப் படத்திற்காக சிம்பு ரசிகர்கள் எவ்வளவு நாட்கள் காத்திருக்க வேண்டுமோ ?. 'வாலு', 'ஆளு' ரைமிங்காக ஒரு பொருத்தம் இருக்கிறது.