பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா | 10 மில்லியன் பார்வையாளர்களை கடந்த ‛இனிமேல்' ஆல்பம் | டில்லியில் தக்லைப் படக்குழு : கமல் - சிம்பு - கவுதம் கார்த்திக் பங்கேற்பு | கார் விபத்து வழக்கு - நீதிமன்றத்தில் ஆஜரான யாஷிகா | 'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் |
'வீரம்' சிவா இயக்கத்தில் அஜித் நடித்து வரும் புதிய படத்தின் படப்பிடிப்பு தற்போது கொல்கத்தாவில் இடைவிடாமல் நடந்து கொண்டு வருகிறது. அஜித் ஜோடியாக முதன் முறையாக ஸ்ருதிஹாசன் நடித்து வருகிறார். ஸ்ருதி அஜித் ஜோடியாகவும், லட்சுமி அஜித் தங்கையாகவும் நடிக்கிறார்கள். 'வீரம்' படத்தில் சிவாவின் இயக்கத்தில் மிகவும் திருப்தியடைந்த அஜித் மீண்டும் அவர் இயக்கத்தில் நடிக்க அந்தப் படத்தின் படப்பிடிப்பின் போதே சம்மதம் கொடுத்திருந்தார். 'என்னை அறிந்தால்' படம் முடிவடைந்ததும் தன்னுடைய அடுத்த படமாக மீண்டும் அஜித்தை வைத்து இயக்க ஆரம்பித்துவிட்டார்.
தொடர்ந்து தயாரிப்பாளர் ஏ.எம்.ரத்னம் குடும்பத்தினர் தயாரிக்கும் அடுத்தடுத்த படங்களுக்கு அஜித் தற்போது கால்ஷீட் கொடுத்து வருவது திரையுலகத்தில் ஆச்சரியத்தை ஏற்படுத்தியுள்ளது. 'ஆரம்பம், என்னை அறிந்தால்' ஆகிய படங்களை அடுத்து இந்தப் புதிய படத்தையும் ஏ.எம்.ரத்தினத்தின் குடும்பத்தினர்தான் தயாரித்து வருகிறார்கள். அஜித்தை வைத்து பலர் படங்களைத் தயாரிக்க காத்துக் கொண்டிருக்க அவரோ ஏ.எம்.ரத்தினத்திற்கு மட்டுமே அதிக முக்கியத்துவம் கொடுத்து வருவதாகவும் திரையுலகில் ஒரு பேச்சு எழுந்துள்ளது. இடையில் மட்டும் 'வீரம்' படத்தை பழம் பெரும் நிறுவனமான விஜயா புரொக்ஷன்ஸுக்காக நடித்துக் கொடுத்தார்.
அஜித்தின் புதிய படத்தின் படப்பிடிப்பு சுமார் 70 சதவீதம் வரை முடிந்து விட்டதாம். செப்டம்பர் மாதத் துவக்கத்தில் மொத்தப் படப்பிடிப்பும் முடிவடைந்து விடும் என்கிறார்கள். படம் தீபாவளிக்கு வருவது உறுதி என ஏ.எம்.ரத்னமும் ஏற்கெனவே தெரிவித்துள்ளார் என்பது குறிப்பிடத்தக்கது.