டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
'பாகுபலி' படத்தையடுத்து மற்றுமொரு தென்னிந்தியத் திரைப்படமான 'புலி' திரைப்படம் செப்டம்பர் 17ம் தேதியன்று உலகம் முழுவதும் வெளியாக உள்ளது. இந்தப் படத்தை தமிழில் நேரடியாக எடுத்துள்ளார்கள். அதே சமயம் தெலுங்கு, ஹிந்தி உட்பட சில மொழிகளில் டப்பிங் செய்து வெளியிட உள்ளார்கள். படத்தில் ஸ்ரீதேவி, ஹன்சிகா, ஸ்ருதிஹாசன் ஆகியோர் இருப்பதால் தெலுங்கிலும் நல்ல வரவேற்பைப் பெற வாய்ப்பு உள்ளது. விஜய் நடித்த 'ஜில்லா' படம் சமீபத்தில் தெலுங்கில் வெளியாகி நல்ல வரவேற்பைப் பெற்றுள்ளதால் 'புலி' படத்திற்கான வரவேற்பு இன்னும் கூடுதலாகியுள்ளது. 'நான் ஈ' சுதீப் நடித்துள்ளதால் கர்நாடக மாநிலத்திலும் படத்திற்கு நல்ல வரவேற்பு கிடைக்கும். கேரளாவில் ஏற்கெனவே விஜய் படங்களுக்கென தனி வரவேற்பு உண்டு.
அமெரிக்கா, இங்கிலாந்து, மலேசியா, சிங்கப்பூர், இலங்கை உட்பட பல வெளிநாடுகளிலும் படத்தை அதிக திரையரங்குகளில் வெளியிட திட்டமிட்டு வருகிறார்களாம். தமிழ்நாட்டில் சுமார் 1000 திரையரங்குகளிலும், ஹிந்தியில் சுமார் 1000 திரையரங்குகளிலும், தெலுங்கில் சுமார் 1000 திரையரங்குகளிலும், கேரளா, கர்நாடகா ஆகிய மாநிலங்களில் சுமார் 500 திரையரங்குகளிலும் படத்தை வெளியிட திட்டமிட்டுள்ளார்கள் எனத் தெரிகிறது. இந்த எண்ணிக்கை இன்னும் கூடுதலாகவும் வாய்ப்புள்ளதாகத் தெரிகிறது.
படத்தை மிகப் பெரும் அளவில் விளம்பரப்படுத்தவும் திட்டமிட்டுள்ளார்களாம். இந்தப் படம் மூலம் விஜய்க்கு சர்வதேச அளவில் ஒரு அடையாளத்தையும், தமிழில் அடுத்த வசூல் சூப்பர் ஸ்டார் விஜய்தான் எனவும் முன்னெடுத்துச் செல்ல உள்ளார்களாம்.