டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தமிழில் 2006ம் ஆண்டு வெளிவந்த 'கேடி' படம் மூலம் நாயகியாக அறிமுகமானவர் தமன்னா. அந்தப் படம் வெற்றி பெறாததால் தமன்னா யாருடைய கவனத்தையும் ஈர்க்கவில்லை. அடுத்து எஸ்.ஜே.சூர்யா ஜோடியாக 'வியாபாரி' படத்திலும் நடித்தார், அப்போதும் கவனிக்கப்படவில்லை. ஆனால், மூன்றாவதாக நடித்த 'கல்லூரி' படத்தில்தான் அனைவராலும் கவனிக்கப்பட்டர். விமர்சன ரீதியாக தமன்னாவின் நடிப்பும், படமும் அதிகம் பாராட்டப்பட்டதால் தமிழில் தொடர்ந்து தமன்னாவுக்கு வெற்றிப் படங்களாகவே அமைந்தது. “படிக்காதவன், அயன், கண்டேன் காதலை, பையா, தில்லாலங்கடி, சிறுத்தை” என சில வெற்றிப் படங்களில் நடித்தார். 2011ம் ஆண்டில் 'வேங்கை' படத்தில் நடித்த பிறகு திடீரென்று காணாமல் போய்விட்டார்.
அதன் பின் 2014ம் ஆண்டில் அஜித் ஜோடியாக 'வீரம்' படத்தின் மூலம் மீண்டும் ரீ-என்ட்ரி ஆனார். சுமார் ஒன்றரை வருடங்கள் கழித்து சமீபத்தில் வெளிவந்த 'பாகுபலி' படமும் தமன்னாவைப் பற்றி அதிகம் பேச வைத்தது. அடுத்த மாதம் வெளிவர உள்ள 'வாசுவும் சரவணனும் ஒண்ணா படிச்சவங்க' படத்திலும் தமன்னா அதிகம் பேசப்படுவார் என படத்தின் இயக்குனர் ராஜேஷ் சொல்கிறார். சந்தானத்தையே கலாய்க்கும் ஒரு கதாபாத்திரத்தில்தான் அவர் நடித்திருக்கிறாராம். படத்தின் டிரைலரும், பாடல்களும் அவர் சொல்வதை உறுதி செய்கின்றன. இந்தப் படத்தை அடுத்து கார்த்தி ஜோடியாக பெயரிடப்படாத ஒரு படத்திலும் நடித்து வருகிறார். விரைவில் 'பாகுபலி' இரண்டாம் பாகத்திலும் நடிக்க உள்ளார். 'பாகுபலி' ஹிந்தியிலும் வெற்றி பெற்றுள்ளதால் பாலிவுட்டிலும் கவனிக்கப்பட்டுள்ளாராம். தமிழில் 3 வருடங்களாக விட்ட இடத்தையும், பாலிவுட்டில் கிடைத்த தோல்வியால் இழந்த இடத்தையும் தமன்னா விரைவில் பிடித்து விடுவார் போலத் தெரிகிறது.