மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' | மகள் திருமணத்தில் பிசியான ஷங்கர் | மீண்டும் வெளியாகிறது 'அஞ்சான்' | விடுதலைபுலி இயக்கத்தின் அடுத்தகட்ட தலைவர்கள் பற்றிய படம் | பிளாஷ்பேக்: நம்பியாருக்கு பொருத்தமான ஜோடியாக வலம் வந்த டி.கே.சரஸ்வதி |
வடிவேலுவுக்குப் பிறகு கோலிவுட்டின் முன்னணி காமெடியன் ஆனார் சந்தானம். பெரிய அளவில் பாடிலாங்குவேஜ் இல்லாமல் வெறும் டைமிங் காமெடியை வைத்து நம்பர்-ஒன் இடத்தை பிடித்தார். அவரது காமெடியை இளவட்ட ரசிகர்கள் பெரிதாக ரசித்ததால், முன்னணி ஹீரோக்களே படம் முழுக்க சீன் பை சீன் சந்தானமும் தங்களுடன் வந்தால் படம் போரடிக்காமல் இருக்கும் என்று அவருடன் கூட்டணி அமைத்துக்கொண்டனர்.
ஆனால், ஒரு கட்டத்தில் தனது காமெடிக்காகவே பல படங்கள் ஓடுகிறது என்பதை அறிந்த சந்தானத்துக்கு, தன்னை வைத்து பல ஹீரோக்கள் மார்க்கெட்டை உயர்த்திக்கொள்ளும்போது, ஏன் தானே ஹீரோவாக நடிக்கக்கூடாது என்ற எண்ணம் ஏற்பட, கண்ணா லட்டு தின்ன ஆசையா படத்தில் ஹீரோவாக டிரையல் பார்த்தார். அந்த படம் ஹிட்டாக அமைந்தது. விளைவு, வல்லவனுக்கு புல்லும் ஆயுதம், இனிமே இப்படித்தான் ஆகிய படங்களில் ஹீரோவாக நடித்தவர், அடுத்த படத்திற்காக தயாராகிக்கொண்டிருக்கிறார். இந்த நிலையில், அவருக்கு அடுத்தபடியாக வளர்ந்து கொண்டிருந்த சூரி இப்போது கோலிவுட்டின் நம்பர் ஒன் காமெடியனாகி விட்டார். விஜய், அஜித், சூர்யா என முன்னணி ஹீரோக்களின் படங்களில் நடித்து வருகிறார்.
மேலும், சந்தானம் காமெடியில் உச்சத்தில் இருந்தபோது அவருக்கு காமெடி சூப்பர் ஸ்டார் என்ற பட்டத்தை சில படங்களின் டைட்டிலில் போட்டும் வந்தனர். ஆனால், இப்போது அவர் ஹீரோவாகி விட்டதால், அந்த பட்டத்தை சூரிக்கு கொடுக்க சில இயக்குனர்கள் தயாராகிக்கொண்டிருக்கின்றனர். தற்போது அவர் முன்னணி ஹீரோக்களுடன் நடித்துள்ள சில படங்கள் ரிலீசாகும்போது அப்படங்களின் டைட்டிலில் சூரியின் பெயருக்கு முன்பு இந்த காமெடி சூப்பர் ஸ்டார் என்கிற பட்டம் சேர்த்துக்கொள்ளப்படும் என்று கூறப்படுகிறது.