தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
கமலஹாசன் குடும்பத்திலிருந்து சினிமாவுக்கு வந்தவர் அனுஹாசன். இந்திரா என்ற படத்தில் ஹீரோயினாக நடித்தார். அதன் பிறகு 50க்கும் மேற்பட்ட படங்களில் கேரக்டர் ரோல்களில் நடித்தார். அதன் பிறகு சின்னத்திரை சீரியல்களில் நடித்தார். நிகழ்ச்சிகளை தொகுத்து வழங்கினார்.
திருமணம் செய்து கொண்டு லண்டனில் செட்டிலாகிவிட்ட அனுஹாசன் சின்னத்திரை, பெரிய திரை இரண்டிலுமிருந்து விலகி இருந்தார். தற்போது அவர் வல்லதேசம் என்ற படத்தில் ஹீரோயினாக நடித்து வருகிறார். அதுவும் ஆக்ஷன் ஹீரோயினாக. இதனை லண்டன் வாழ் இயக்குனர் என்.டி.நந்தா ஒளிப்பதிவு செய்து இயக்குகிறார். அனு ஹாசனுடன் நாசர், பாலாசிங், ஆடுகளம் ஜெயபாலன் ஆகியோர் முக்கிய கேரக்டரில் நடிக்கிறார்கள்.
எல்.வி.முத்துகிருஷ்ணசாமி இசை அமைக்கிறார். சிம்பு ஒரு பாடலை பாடியுள்ளார்.
"இது ஒரு த்ரில்லர் படம். அனு ஹாசன்தான் ஹீரோ, ஹீரோயின் எல்லாம். 70 சதவிகித படப்பிடிப்புகள் லண்டனிலும், 30 சதவிகித படப்பிடிப்புகள் சென்னையிலும் நடந்துள்ளது. படப்பிடிப்புகள் முடிந்து விட்டது. வருகிற ஆகஸ்ட் 1ந் தேதி பாடல்களை வெளியிடுகிறோம். கமலஹாசன் வெளியிட பாரதிராஜா பெற்றுக் கொள்கிறார். செப்டம்பரில் படத்தை வெளியிடுகிறோம்" என்கிறார் இயக்குனர் நந்தா.