‛கில்லி' ரீ-ரிலீஸ் : த்ரிஷா நெகிழ்ச்சி | சந்தானத்தின் இங்க நான் தான் கிங்கு படம் மே 10 ல் ரிலீஸ் | பைக் டாக்சி ஓட்டுனராக நடிக்கும் நக்ஷா சரண் | எழுத்தாளராக நடிக்கும் வெற்றி | ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி | அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : விஷால் | பிளாஷ்பேக்: நடிகையை திருமணம் செய்த முதல் இயக்குனர் | அன்பே வா சீரியல் நடிகருக்கு திருமணம் | எதிர்நீச்சல் நடிகையின் ஜாலி டூர் கிளிக்ஸ் | நடன பள்ளி தொடங்கிய காயத்ரி - யுவராஜ் |
கமல் - ரஜினி, விஜய் - அஜித் வரிசையில் ஒப்பிடப்பட்ட இளம் ஹீரோக்கள் சிவகார்த்திகேயன் - விஜய்சேதுபதி. இவர்களில் சிவகார்த்திகேயன் தன் பாதையை திட்டமிட்டு மிகச்சரியாய் பயணப்பட்டு வருகிறார். அதுமட்டுமல்ல தொடர்ந்து வெற்றியையும் பெற்று வருகிறார். அவரது போட்டியாளராக கருதப்பட்ட விஜய்சேதுபதியோ வெற்றியை தவறவிட்டுக் கொண்டிருக்கிறார். நடுவுல கொஞ்சம் பக்கத்தக்காணோம், சூது கவ்வும், இதற்குத்தானா ஆசைப்பட்டாய் பலகுமாரா, பீட்சா என ஆரம்பத்தில் வரிசையாக வெற்றிப்படங்களைக் கொடுத்த விஜய்சேதுபதிக்கு அதன் பிறகு தோல்விப்படங்கள் அணிவகுக்கத் தொடங்கிவிட்டன. ரம்மி, பண்ணையாரும் பத்மினியும், வன்மம், புறம்போக்கு என விஜய்சேதுபதி நடித்த படங்கள் அனைத்துமே தொடர்ந்து தோல்வியிடைந்து வருகின்றன. அதன் காரணமாக அவர் நடித்த இடம்பொருள் ஏவல் படத்தை வாங்க விநியோகஸ்தர்கள் ஆர்வம் காட்டவில்லை. அது மட்டுமல்ல, விஜய்சேதுபதி தயாரித்த ஆரஞ்சமிட்டாய் படத்துக்கும் விநியோகஸ்தர்கள் மற்றும் தியேட்டர்காரர்களிடம் எதிர்பார்த்த வரவேற்பு இல்லை. அதனால் ஆரஞ்சுமிட்டாய் படம் ரிலீஸ் ஆகும் தியேட்டர்களின் எண்ணிக்கை மிகவும் குறைவாகவே உள்ளன. இதுவரை 100 தியேட்டர்கள் கூட இறுதி செய்யப்படவில்லை. அதேதினத்தில் சகலகலாவல்லவன், இது என்ன மாயம் உட்பட வேறு படங்களும் வெளிவருவதால் ஆரஞ்சுமிட்டாய் படத்திற்கு தியேட்டர்கள் கிடைப்பதில் சிக்கல் அதிகமாகிவிட்டது. எனவே படத்தின் ரிலீஸ் தேதியை தள்ளி வைக்கலாமா தன் சகாக்களிடம் ஆலோசனை செய்து வருகிறாராம் விஜய்சேதுபதி. அவர் இந்த முடிவுக்கு வர காரணம்... ஆரஞ்சு மிட்டாய் படத்துக்கு விளம்பரம் செய்ய போதிய அளவு பணம் இல்லையாம். இதனால் விரக்தியடைந்து காணப்படுகிறாராம்.