ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
மலையாள திரையுலகில் பிரேமம் படம் ஆன்லைனில் லீக்கான பிரச்சனையே இன்னும் முடிவுக்கு வந்தப்பாடில்லை.. அதற்குள் இன்னொரு படத்தை அனுமதியின்றி 'யு-டோரண்ட் இணையதளத்தில் திருட்டுத்தனமாக அப்லோடு செய்தவர் பிடிபட்டுள்ளார். பஹத் பாசிலின் தம்பி பர்ஹான் பாசில் ஹீரோவாக அறிமுகமான படம் 'ஞான் ஸ்டீவ் லோபஸ்'.. நடிகை கீது மோகன்தாசின் கணவரும் பஹத் பாசில் நடித்த 'அன்னையும் ரசூலும்' படத்தை இயக்கியவருமான ராஜீவ் ரவி என்பவர் தான் இந்தப்படத்தையும் இயக்கினார். படம் கடந்த வருடம் ஆகஸ்ட் மாதமே ரிலீஸ் ஆகிவிட்டது.
தற்போது இந்தப்படத்தை ஆன்லைனில் வெளியிடும் உரிமையை ரீல் மாங்க் என்கிற நிறுவனத்திடம் ஒப்படைத்திருந்தனர். இதன்மூலம் ஆன்லைனிலும் மலையாளப்படங்களை ரிலீஸ் செய்வதில் முதல் படியில் அடியெடுத்து வைப்பதால் கேரள தயாரிப்பாளர்கள் சந்தோஷத்துடன் இந்த திட்டத்தை துவக்கி வைத்தனர். அதன்படி நேற்று முன்தினம் இந்தப்படம் கட்டணம் செலுத்தி பார்க்கும் விதமாக ஆன்லைனில் வெளியானது. ஆனால் அதேசமயம் மறுநாளே இந்தப்படத்தை கேரளா காசர்கோடு பகுதியை சேர்ந்த அகில் என்பவர் யு-டோரண்ட் இணையதளத்தில் பதிவேற்றிக்கொண்டிருந்தபோது கையும் களவுமாக பிடிபட்டார்.
அவர் பிடிபடும்போது படம் அப்லோடு ஆகி முடிய இன்னும் 12 நிமிடங்களே இருந்தனவாம். அவரை பிடித்தவர்கள் உடனே அதை நிறுத்துமாறு கூற, ஒருமுறை அப்லோடு செய்துவிட்டால் அதை நிறுத்தவோ, அழைக்கவோ முடியாது என பிடிபட்ட நபர் கூறியுள்ளான். அவனை ஆண்டி பைரஸி செல்லில் ஒப்படைத்தனர் ரீல் மாங்க் நிறுவனத்தார். இதன் பின்னணியில் இருக்கும் பெரிய கை யார் என வழக்கம்போல விசாரணை நடைபெற்று வருகிறது.