Dinamalar

பாகுபலி வெற்றி எதிரொலி: சரத்திரப் படம் இயக்குகிறார் எஸ்.பி.ஜனநாதன்

இயக்குனர் எஸ்.பி.ஜனநாதன் நீண்ட வருடங்களாக தஞ்சை பெரிய கோவில் பற்றியும், சோழ மன்னர்களின் ஆட்சிமுறை, வாழ்க்கை முறை பற்றியும் ஆராய்ந்து வருகிறார். சோழர்களின் பின்னணியில் தமிழர்களின் வரலாற்றை, பண்பாட்டை, கலாச்சாரத்தை சரித்திர படமாக எடுக்க வேண்டும் என்பது அவரது நீண்ட நாள் கனவு. இதற்கான ஸ்கிரிப்ட் பணிகளை செய்து வருகிறார். தற்போது பாகுபலி படம் வெற்றி பெற்றிருப்பது அவருக்கு நம்பிக்கையை கொடுத்திருக்கிறது. படத்தின் பட்ஜெட் 200 கோடி என்பது தற்போதைய கணக்கு.

இதுபற்றி ஜனநாதன் கூறியதாவது: ஆயிரம் ஆண்டுகளுக்கு முந்தைய தஞ்சை பெரிய கோவில் கட்டப்பட்ட வரலாற்று பின்னணிதான் கதை களம். தமிழில் வரலாற்று படங்கள் வந்து பல ஆண்டுகள் ஆகிவிட்டது. மக்கள் ஏற்றுக் கொள்வார்களா என்ற தயக்கம் இருந்தது. பாகுபலியின் வெற்றி அந்த தயக்கத்தை போக்கிவிட்டது. பாகுபலி முழு கற்பனைக் கதை. கற்பனை துளியும் கலக்காத வரலாற்ற படம்தான் எனது திட்டம். கற்பனையை விட பிரமிப்பான விஷயங்கள் நிஜ வரலாற்றில் இருக்கிறது. இந்தப் படத்தின் வாயிலாக ஆயிரம் ஆண்டுகளுக்கு முந்தைய தமிழர்களின் உயரிய நாகரீக வாழ்க்கையை உலகத்துக்கு காட்ட இருக்கிறேன்.

இது பெரிய பட்ஜெட் படம். ஆரம்பிக்க சில ஆண்டுகள் ஆகலாம். அதற்கு முன்பு எனது பாணியில் ஒரு ஆக்ஷன் எண்டர்டெயின்மெண்ட் படம் இயக்க இருக்கிறேன். இந்த பணிகள் இன்னும் ஒரு சில மாதங்களில் ஆரம்பித்து விடும் என்கிறார் ஜனா.

• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா
• 
  ஜெகபதி பாபுவிற்கு சல்மான்கான் சொன்ன அட்வைஸ்
• 
  வித்யாபாலனின் காதல் தோல்வி : அவரே வெளியிட்ட தகவல்
• 
  சல்மான்கான் வீடு மீது துப்பாக்கிச்சூடு
• 
  காதலை உறுதிப்படுத்திய ஜான்வி கபூர்

• 
  தக் லைப் படத்தின் மூலம் இணையும் சிம்பு, துல்கர் சல்மான், ஜெயம் ரவி
• 
  ரீ-ரிலீஸ் ஆகும் ராவணன்
• 
  ரஜினி மகளாக நடிக்கும் ஸ்ருதிஹாசன்
• 
  ஸ்ரீவள்ளி 2.0 ஆக என்னை பார்ப்பீர்கள் : ராஷ்மிகா நம்பிக்கை
• 
  எழுத்தாளரான இயக்குனர்